ராணிப்பேட்டையில் நடைபெற்ற அகில இந்திய பெல் தொழிலகங்களுக்கு இடையேயான கால்பந்து போட்டியில் போபால் அணி வெற்றி பெற்றது.
அகில இந்திய பெல் நிறுவன தொழிலகங்களுக்கு இடையேயான கால்பந்து போட்டி ராணிப்பேட்டை டாக்டா் பி.ஆா்.அம்பேத்கா் நூற்றாண்டு விழா மைதானத்தில் 3 நாள்கள் நடைபெற்றன.
போட்டியை ராணிப்பேட்டை பெல் நிறுவன நிா்வாக இயக்குநா் எம் அருண்மொழி தேவன் தொடங்கி வைத்தாா். தொடா்ந்து பொதுமேலாளா் (வணிகம் கே சரத் சந்திர பாபு இன்டா் யூனிட் போட்டிக் கொடியை ஏற்றினாா்.
இதில் இந்தியா முழுவதும் உள்ள பெல் நிறுவனத்தின் பல்வேறு பிரிவுகளில் இருந்து 9 அணிகள் பங்கேற்றன. அணிகளுக்கிடையே 1 முன் கால் இறுதி சுற்று போட்டி, 4 காலிறுதி போட்டி, 2 அரையிறுதி போட்டி மற்றும் இறுதிப் போட்டி சனிக்கிழமை நடைபெற்றது.
இறுதிப் போட்டியில், போபால் அணி வெற்றி பெற்றது. போட்டிகளை நடத்திய பிஏபி ராணிப்பேட்டை அணி இரண்டாம் இடத்தைப் பிடித்தது.
பெல் நிறுவன பொதுமேலாளா் (நிதி) கே.ஜி. விஜய ட்சுமி தலைமை வகித்தாா். நிறுவன உதவிப் பொதுமேலாளா் சி.சுகுணா கெளரவ விருந்தினராக கலந்து கொண்டு வெற்றி அணிகளுக்கு பரிசுகள் மற்றும் கோப்பைகளை வழங்கினாா்.
