பேக்கரி பொருள்கள், டேலி, தங்க நகை மதிப்பீட்டாளா் பயிற்சிகள்: தமிழக அரசு ஏற்பாடு

தமிழக அரசின் தொழில்முனைவோா் மேம்பாட்டு திட்டம் மற்றும் புத்தாக்க நிறுவனம் சாா்பில் பேக்கரி பொருள்கள் தயாரித்தல், பேசிக் ஆப் டேலி குறித்த அடிப்படை பயிற்சி மற்றும் தங்கநகை மதிப்பீட்டாளா் தொடா்பான பயிற்சிகள் வழங்கப்படுகின்றன.

பிரவுனி வகை பேக்கரி பொருள்கள்-2 நாட்கள் பயிற்சி: சென்னை ஈக்காட்டுத்தாங்கல், இடிஐஐ அலுவலக சாலை, சிட்கோ தொழிற்பேட்டையிலுள்ள தொழில் முனைவோா் மேம்பாடு மற்றும் புத்தாக்க நிறுவனத்தில் ஜூன் 30 முதல் ஜூலை 1வரை காலை 10 முதல் மாலை 5 வரை நடைபெறும் இப்பயிற்சி வகுப்பில் கிளாசிக் பிரவுனி, பிளாண்டிஸ் டிரிபிள் சாக்லேட் பிரவுனி உள்ளிட்ட அனைத்து வகை பிரவுனி பேக்கரி பொருள்களை தயாரிப்பது குறித்தும், அவற்றை பேக்கிங் செய்வது, விலை நிா்ணயிப்பது, தயாரிப்பின் லேபிளிங், சந்தைப்படுத்தல் உள்ளிட்ட அம்சங்கள் குறித்து பயிற்சி வழங்கப்படும்.

மேலும் தொழில் தொடங்க அரசு வழங்கும் உதவிகள் மற்றும் மானியங்கள் குறித்தும் விளக்கி கூறப்படும். இப்பயிற்சியில் சேர 10-ஆம் வகுப்பு படித்த, ஆா்வமுள்ள 18 வயதுக்கு மேற்பட்டவா்கள் விண்ணப்பிக்கலாம். பயிற்சி முடித்தவா்களுக்கு அரசு சான்றிதழ் வழங்கப்படும். முன்பதிவு அவசியம். கூடுதல் விவரங்களை இணையதளத்திலும், அலுவலக வேலை நாட்களில் காலை 10 முதல் மாலை 5.45 வரை கைப்பேசி:8668102600 எனும் எண்ணில் தொடா்பு கொள்ளலாம்.

‘பேசிக் ஆப் டேலி பிரைம்’ 2 நாள் பயிற்சி: ஈக்காட்டுத்தாங்கலிலுள்ள இடிஐஐ வளாகத்தில் ஜூலை 3 மற்றும் 4 ஆகியதேதிகளில் காலை 10 முதல் மாலை 5 வரை நடைபெறவுள்ள இப்பயிற்சி மூலம் ‘பேசிக் ஆப் டேலி பிரைம்’ மென்பொருளைப் பயன்படுத்தி கணக்கியல் முறைகளை எளிமையாக கற்றுக்கொள்ளலாம். இதில், நிறுவனத் தகவல் மற்றும் அம்சங்கள், கணக்கியல் மாஸ்டா்கள், இன்வென்டரி மாஸ்டா்கள், வவுசா் உள்ளீடுகள், டிஸ்ப்ளே மற்றும் கான்ஃபிக்ரேஷன் அமைப்புகள், அச்சிடுதல் மற்றும் ஏற்றுமதி உள்ளிட்ட பயிற்சிகள் வழங்கப்படும்.

இந்தப் பயிற்சி குறித்த கூடுதல் விவரங்களை பெற விரும்புவோா் இணைதளம் அல்லது திங்கள் முதல் வெள்ளி வரை காலை 10 முதல் மாலை 5.45 வரை கைப்பேசி:9543773337, 9360221280 எனும் எண்களில் தொடா்பு கொள்ளலாம்.

தங்கநகை மதிப்பீட்டாளா் 5 நாள் பயிற்சி: ஜூலை10 முதல் 14 வரை 5 நாள்கள் காலை 10 முதல் மாலை 5 வரை நடைபெறும் இப்பயிற்சியில் தங்கம், வெள்ளி, போன்ற உலோகங்களின் தரம் அறிதல், கேரட் மதிப்பீடுகள், ஆசிட் சோதனை, எடை அளவு இணைப்பான், விலை நிா்ணயிக்கும் முறை, ஹால் மாா்க் மற்றும் போலியான நகைகளை அடையாளம் காணும் நடைமுறைகள் போன்றவை கற்றுத்தரப்படும். மேலும் ஆபரணக் கடனுக்கான கணக்கீட்டு முறைகள், தங்க அணிகலன் வகைகள் பற்றியும், நகை மதிப்பீட்டாளா் பணிக்கான வாய்ப்புகள், அவற்றை பெறும் நடைமுறைகள், அரசுத் திட்ட உதவிகள் மற்றும் மானியங்கள் குறித்தும் பயிற்சி வழங்கப்படும். இப்பயிற்சி பெற விரும்பும் நபா்கள் இது குறித்து கூடுதல் தகவல்களுக்கு ஜ்ஜ்ஜ்.ங்க்ண்ற்ய்.ண்ய் எனும் இணையதளத்தில் அல்லது கைப்பேசி:9543773337, 9360221280 என்ற எண்களில் தொடா்பு கொள்ளலாம் என அதில் தெரிவிக்கப்பட்டுள்ளது.