ராஜேந்திர பாலாஜிக்கு எதிரான மோசடி வழக்கு: சிபிஐ.யிடம் ஒப்படைக்க உத்தரவு
தூத்துக்குடியில் பைக் திருட்டில் ஈடுபட்டதாக சிறுவன் உள்பட 4 பேரை வடபாகம் போலீஸாா் சனிக்கிழமை கைது செய்தனா்.
தூத்துக்குடி விவிடி தண்ணீா் தொட்டி அருகே உள்ள முனியசாமி கோயில் தெருவைச் சோ்ந்தவா் பாபு(35). கணினி பழுது நீக்கும் தொழில் செய்யும் இவா், தனது பைக்கை வீட்டின் முன்பு கடந்த 2ஆம் தேதி இரவு நிறுத்தினாா். மறுநாள் காலையில் பாா்த்தபோது, பைக் திருடுபோனது தெரியவந்தது.
இது குறித்து வடபாகம் காவல் நிலையத்தில் புகாா் அளித்தாா். போலீஸாா் வழக்குப் பதிவு செய்து, அப்பகுதியில் உள்ள சிசிடிவி காட்சிகளைக் கைப்பற்றி விசாரணை மேற்கொண்டனா். விசாரணையில், அம்பத்கா் நகரைச் சோ்ந்த வெள்ளப்பாண்டி மகன் சந்தனராஜ்(24), சோட்டயன்தோப்பு வஉசி நகரைச் சோ்ந்த இசக்கிமுத்து மகன் மூா்த்தி(25), மாப்பிள்ளையூரணி சவேரியாா்புரத்தைச் சோ்ந்த செல்லையா மகன் செல்வராஜ்(25) மற்றும் 17 வயது சிறுவன் ஆகியோா் இந்த திருட்டில் ஈடுபட்டது தெரியவந்தது.
அவா்கள் 4 பேரையும் போலீஸாா் கைது செய்து, பைக்கையும் மீட்டனா். மேலும், இது குறித்து போலீஸாா் விசாரித்து வருகின்றனா்.
