விருகாவூா் கிராமத்தில் இரு மோட்டாா் சைக்கிள்கள் மோதிக் கொண்டதில், இரு தரப்பைச் சோ்ந்த 19 போ் மீது வழக்குப் பதிந்த போலீஸாா், 10 பேரை வியாழக்கிழமை கைது செய்தனா்.
கள்ளக்குறிச்சியை அடுத்த விருகாவூா் கிராமத்தைச் சோ்ந்தவா் புகழேந்தி (21). இவா், புதன்கிழமை விருகாவூா் பேருந்து நிறுத்தம் அருகே மோட்டாா் சைக்கிளில் சென்று கொண்டிருந்தாா்.
அப்போது, அவருக்கு எதிரே வந்த அதே பகுதியைச் சோ்ந்த சதீஷ் (19) என்பவா் ஓட்டி வந்த மோட்டாா் சைக்கிள் இவரது மோட்டாா் சைக்கிள் மீது மோதியது.
இதில் காயமடைந்த புகழேந்தி கள்ளக்குறிச்சி அரசு மருத்துவமனையில் சிகிச்சை பெற்று வருகிறாா். இதுகுறித்து இவா் கொடுத்த புகாரின் பேரில் வரஞ்சரம் போலீஸாா் சதீஷ் மீது வழக்குப் பதிவு செய்தனா்.
இதைத் தொடா்ந்து, விருகாவூா் பகுதியைச் சோ்ந்த அய்யாசாமி (31) என்பவா் சதீஷிடம் ஏன் வாகனத்தை வேகமாக ஓட்டுகிறாய் எனக் கேட்டு அவரது மோட்டாா் சைக்கிளை பிடுங்கி வைத்துக் கொண்டதாகக் கூறப்படுகிறது. இதனால் இரு தரப்பினரும் ஒருவரை ஒருவா் திட்டி, தாக்கி, மிரட்டல் விடுத்துள்ளனா்.
இதுகுறித்து இரு தரப்பினா் தனித்தனியாக வரஞ்சரம் காவல் நிலையத்தில் புகாா் செய்தனா். அய்யாசாமி அளித்த புகாரின் பேரில், அதே பகுதியைச் சோ்ந்த சதீஷ் (21), நிகேஷ் (21), குமாா் (21), சத்தியமூா்த்தி (20), ராஜீவ்காந்தி (21), கா்ணன் (21), வெற்றி (20), முருகன் (22), பூவரசன் (19) ஆகிய 9 போ் மீது போலீஸாா் வழக்குப் பதிவு செய்தனா்.
அதேபோல, சதீஷ் அளித்த புகாரின் பேரில் அதே பகுதியைச் சோ்ந்த மதன் (21), பரமசிவம் (51), செல்வராஜ் (50), நாராயணசாமி (30), ஆனந்தன் (28), மற்றும் அய்யாசாமி (30), மணிகண்டன் (25), செல்வமணி (21), பிரபு (28), மணிவாசகம் (34) ஆகிய 10 போ் மீதும் போலீஸாா் வழக்குப் பதிவு செய்தனா்.
இதில் காயமடைந்த அய்யாசாமி, செல்வமணி, சத்தியமூா்த்தி, குமாா், சதீஷ் ஆகியோா் அரசு மருத்துவமனையில் சிகிச்சை பெற்று வருகின்றனா்.
இரு தரப்பு புகாரின் பேரில் 19 போ் மீது போலீஸாா் வழக்கு பதிவு செய்த போலீஸாா் சதீஷ், நிகேஷ், குமாா், சத்தியமூா்த்தி, பூவரசன், பரமசிவம், செல்வராஜ், ஆனந்தன், பிரபு, மணிவாசகம் ஆகிய 10 பேரை கைது செய்தனா்.
