சென்னையில் பொது விநியோகத் திட்ட மக்கள் குறைதீா் முகாம் ஜூன் 14-ஆம் தேதி நடைபெறவுள்ளது. இதற்கான அறிவிப்பை கூட்டுறவு மற்றும் உணவுத் துறை வெளியிட்டுள்ளது.
அதன் விவரம்:-
சென்னையில் உணவுத் துறையின் சாா்பில் செயல்படும் 19 மண்டலங்களுக்கு உள்பட்ட இடங்களில் ஜூன் 14-ஆம் தேதி குறைதீா் முகாம் நடைபெறவுள்ளது. குடும்ப அட்டைகளில் பெயா் சோ்த்தல், பெயா் நீக்கம், முகவரி மாற்றம், கைப்பேசி எண் பதிவு-மாற்றம் செய்தல், அங்கீகாரச் சான்று உள்ளிட்ட பொது விநியோகத் திட்டம் தொடா்பான சேவைகள் மேற்கொள்ளப்படும்.
பொது விநியோகக் கடைகளின் செயல்பாடுகள், தனியாா் சந்தையில் விற்கப்படும் பொருள்கள் அல்லது சேவைகளில் குறைபாடுகள் குறித்த புகாா்களை முகாம்களில் தெரிவிக்கலாம் என்று தெரிவிக்கப்பட்டுள்ளது.
