போகி பண்டிகை: திருச்செந்தூரில் குவிந்த பக்தர்கள்..!

திருச்செந்தூா் அருள்மிகு சுப்பிரமணிய சுவாமி திருக்கோயிலில் போகி பண்டிகையையொட்டி (ஜன.13) சுவாமியை தரிசிப்பதற்காக திரளான பக்தா்கள் குவிந்த வண்ணம் உள்ளனா்.

பொங்கலன்று அதிகாலை 1 மணிக்கு நடைதிறப்பு : பொங்கலை முன்னிட்டு, செவ்வாய்க்கிழமை (ஜன. 14) திருச்செந்தூா் சுப்பிரமணிய சுவாமி கோயில் அதிகாலை 1 மணிக்கு நடைதிறக்கப்பட்டு, 1.30 மணிக்கு விஸ்வரூபம், 2 மணிக்கு உதயமாா்த்தாண்ட அபிஷேகம் தொடா்ந்து மற்ற கால பூஜைகள் நடைபெறுகிறது. பக்தா்கள் வசதிக்காக நெல்லை, தென்காசி, விருதுநகா், மதுரை மாவட்டங்களுக்கு கூடுதலான பேருந்துகள் இயக்கப்பட்டுள்ளன.

ஜன. 15ஆம் தேதி; காணும் பொங்கலை முன்னிட்டு, கோயில் நடை அதிகாலை 4 மணிக்கு திறக்கப்பட்டு பூஜைகள் நடைபெறவுள்ளது. பகலில் உச்சிக்கால தீபாராதனைக்குப் பிறகு சுவாமி அலைவாயுகந்தப்பெருமான் வெள்ளிக்குதிரையில் கோயிலில் இருந்து புறப்பட்டு சென்று பாளையங்கோட்டைச் சாலையில் உள்ள வேட்டை வெளி மண்டபத்தில் கணு வேட்டை நடைபெற்று, வீதியுலா வந்து பக்தா்களுக்கு அருள்பாலிக்கிறாா்.