சென்னை நுங்கம்பாக்கம் பகுதியில் போதைப்பொருள் விற்பனை செய்ததாக 3 பேரை போலீஸாா் கைது செய்தனா்.
சென்னை பெருநகர காவல் துறையின் போதைப்பொருள் தடுப்பு நுண்ணறிவுப் பிரிவு போலீஸாா் நுங்கம்பாக்கம் கல்லூரி சாலை பகுதியில் ரோந்துப் பணியில் ஈடுபட்டிருந்தனா். அப்போது அங்கு சந்தேகப்படும்படி நின்றிருந்த 3 பேரை பிடித்து அவா்கள் வைத்திருந்த பையை சோதனையிட்டனா். அதில் மெத்தம்பெட்டமைன் போதைப்பொருள், 26 போதை ஊசி பயன்படுத்தப்படும் 26 சிரிஞ்சிகள், 3 கைப்பேசிகள் ஆகியவற்றை போலீஸாா் பறிமுதல் செய்தனா்.
இதையடுத்து போலீஸாா் 3 பேரையும் கைது செய்து நடத்திய விசாரணையில் அவா்கள், விழுப்புரம் மாவட்டம் செஞ்சி ஆனந்தபுரம் பகுதியைச் சோ்ந்த ராம்சந்தா் (34), திண்டுக்கல் மாவட்டம் நத்தம் அருகே குரும்பட்டியைச் சோ்ந்த காா்த்திக் ராஜா (27), நாகப்பட்டினத்தைச் சோ்ந்த முகமது ஜெக்பா் சாதிக் (24) என தெரியவந்தது. மூவரும் போதைப் பொருள்களை கடத்தி விற்பனை செய்யும் வியாபாரிகள் என்பது விசாரணையில் தெரியவந்ததையடுத்து அவா்கள் மீது போலீஸாா் வழக்குப் பதிந்து தொடா்ந்து விசாரணை நடத்தி வருகின்றனா்.
