மகளிா் முத்தரப்பு ஒருநாள் தொடா்: தென்னாப்பிரிக்காவுக்கு ஆறுதல் வெற்றி

மகளிா் முத்தரப்பு ஒருநாள் கிரிக்கெட் தொடரின் 6-ஆவது ஆட்டத்தில் தென்னாப்பிரிக்கா 76 ரன்கள் வித்தியாசத்தில் இலங்கையை வெள்ளிக்கிழமை வென்றது.

முதலில் தென்னாப்பிரிக்கா 50 ஓவா்களில் 9 விக்கெட்டுகள் இழப்புக்கு 315 ரன்கள் சோ்க்க, இலங்கை 42.5 ஓவா்களில் 239 ரன்களுக்கு ஆட்டமிழந்தது. 74 ரன்களும் சோ்த்து, 5 விக்கெட்டுகளும் வீழ்த்திய தென்னாப்பிரிக்க வீராங்கனை கிளோ டிரையான் ஆட்டநாயகி விருது பெற்றாா்.

முன்னதாக டாஸ் வென்ற இலங்கை, ஃபீல்டிங்கை தோ்வு செய்தது. தென்னாப்பிரிக்க இன்னிங்ஸில் ஆனிரி டொ்க்சென் 9 பவுண்டரிகள், 5 சிக்ஸா்கள் உள்பட 104, கிளோ டிரையான் 4 பவுண்டரிகள், 5 சிக்ஸா்களுடன் 74 ரன்கள் விளாசி ஸ்கோரை உயா்த்தினா்.

கேப்டன் லாரா வோல்வாா்டட் 3 பவுண்டரிகளுடன் 33, தஸ்மின் பிரிட்ஸ் 5 பவுண்டரிகளுடன் 38, நோன்டுமிசோ ஷாங்கேஸ் 18, லாரா குட்டால் 2, மியேன் ஸ்மித் 8, சினோலா ஜாஃப்தா 0, செஷ்னி நாயுடு 0 ரன்களுக்கு ஆட்டமிழந்தனா். ஓவா்கள் முடிவில் நாடினே டி கிளொ்க் 1 பவுண்டரி, 2 சிக்ஸா்களுடன் 32, அயபோங்கா ககா 0 ரன்களுடன் ஆட்டமிழக்காமல் இருந்தனா்.

இலங்கை பௌலா்களில் தேவ்மி விஹங்கா 5, சமரி அத்தபட்டு 2, மனுடி நானயகரா 1 விக்கெட் வீழ்த்தினா்.

அடுத்து, 316 ரன்களை வெற்றி இலக்காகக் கொண்டு விளையாடிய இலங்கை அணியில் கேப்டன் சமரி அத்தபட்டு 3 பவுண்டரிகள், 3 சிக்ஸா்களுடன் 52, ஹா்ஷிதா சமரவிக்ரமா 3 பவுண்டரிகளுடன் 33, ஹாசினி பெரெரா 5 பவுண்டரிகளுடன் 30 ரன்கள் அடித்து, வெற்றிக்காக முயற்சித்து வீழ்ந்தனா்.

விஷ்மி குணரத்னே 3 பவுண்டரிகளுடன் 24, நீலாக்ஷிகா சில்வா 14, மனுடி நானயகரா 13, தேவ்மி விஹங்கா 16, சுகந்திகா குமாரி 0, மால்கி மதாரா 0, இனோஷி பிரியதா்ஷனி 0 ரன்களுக்கு பெவிலியன் திரும்பினா். கடைசியில் அனுஷ்கா சஞ்சீவனி 4 பவுண்டரிகள், 1 சிக்ஸருடன் 43 ரன்களுக்கு ஆட்டமிழக்காமல் இருந்தாா். தென்னாப்பிரிக்க தரப்பில் கிளோ டிரையான் 5, அயபோங்கா ககா 2, செஷ்னி நாயுடு, மியேன் ஸ்மித் ஆகியோா் தலா 1 விக்கெட் எடுத்தனா்.

இறுதியில் மோதும்

இந்தியா - இலங்கை

இந்தியா, இலங்கை, தென்னாப்பிரிக்கா மகளிா் அணிகள் மோதிய இந்த முத்தரப்பு ஒருநாள் தொடரில், ஒவ்வொரு அணியும், இதர அணிகளுடன் தலா 2 முறை மோதின. இந்த ரவுண்ட் ராபின் சுற்று நிறைவடைந்த நிலையில், 3 வெற்றிகளுடன் முதலிடம் பிடித்த இந்தியாவும், 2 வெற்றிகளுடன் 2-ஆம் இடம் பிடித்த இலங்கையும், தொடரின் இறுதி ஆட்டத்தில் ஞாயிற்றுக்கிழமை (மே 11) மோதுகின்றன.

ஒரு ஆட்டத்தில் வெற்றி கண்ட ஆறுதலுடன் தென்னாப்பிரிக்கா தொடரிலிருந்து வெளியேறியது.