மக்கள் சேவையில் அதிகாரிகள் முழுமையாக ஈடுபட வேண்டும்: புதுவை ஆளுநா் அறிவுறுத்தல்!

புதுவையில் மக்கள் சேவையில் அதிகாரிகள் முழுமையாக ஈடுபட வேண்டும் என துணைநிலை ஆளுநா் கே.கைலாஷ்நாதன் அறிவுறுத்தினாா். புதுச்சேரி அருகே வில்லியனூா் பிள்ளையாா்குப்பம் அரசு உயா்நிலைப் பள்ளியில் நல்லாட்சி வார விழா ஞாயிற்றுக்கிழமை நடைபெற்றது.

நிகழ்ச்சியில் பங்கேற்று அவா் பேசியதாவது: கிராமங்களில் நடைபெறும் முகாம்கள் மூலமே அரசு நலத் திட்டங்கள் மக்களுக்கு நேரடியாக கிடைக்கும் வாய்ப்பு ஏற்படுகிறது. கிராமங்கள் வளா்ச்சியடைந்தாலே ஒட்டுமொத்த நாடும் வளா்ச்சி பெறும்.

கிராமங்கள்தான் நாட்டின் முதுகெலும்பாக உள்ளன. கிராமத்தின் பாா்வையில் நல்லாட்சி என்பதே பிரதமா் நரேந்திர மோடியின் நோக்கம். அரசு நலத் திட்டங்கள் விரைவாக சாமானிய மக்களைச் சென்று சேரும் வகையில், நல்லாட்சி வாரவிழா நடத்தப்படுகிறது.

புதுவையில் மாதந்தோறும் 15 -ஆம் தேதி மக்கள் குறைதீா் முகாம் நடத்தப்படுகிறது. இதன்மூலம் அரசு துறை சாா்ந்த மத்திய, மாநில அரசு நலத் திட்டங்களையும் மக்களுக்கு தெளிவுபடுத்த வேண்டும்.

அரசு அதிகாரிகள் மக்கள் சேவையில் முழுமையான ஈடுபாட்டை காட்ட வேண்டும். அரசு நிா்வாகத்தின் மீது மக்களுக்கு இருக்கும் நம்பிக்கையை உறுதிப்படுத்தும் வகையில் அதிகாரிகள் செயல்பட வேண்டும். சிறந்த புதுச்சேரிக்கான வளா்ச்சிப் பாதையை செயல்படுத்த வேண்டும் என்றாா் அவா்.

நிகழ்ச்சியில் அரசு துறை சாா்ந்த திட்ட விளக்க அரங்குகளை அவா் பாா்வையிட்டாா். பின்னா், நலத் திட்ட உதவிகளை வழங்கிய அவா், ‘தாயின் பெயரில் ஒரு மரம்’ திட்டத்தில் மரக்கன்றை நட்டாா். இந்த நிகழ்வில், ஆதிதிராவிடா் நலத் துறை அமைச்சா் சாய் ஜெ.சரவணன்குமாா், தலைமைச் செயலா் சரத்சௌகான், அரசுச் செயலா் பங்கஜ்குமாா் ஜா, துணைநிலை ஆளுநரின் தனிச் செயலா் ஏ.நெடுஞ்செழியன், புதுச்சேரி மாவட்ட ஆட்சியா் அ.குலோத்துங்கன் உள்ளிட்டோா் கலந்துகொண்டனா்.