பெரியகுளம் அருகே எருமலைநாயக்கன்பட்டி பகுதியில் மணல் கடத்தலில் ஈடுபட்டவரை போலீஸாா் கைது செய்து, மணல் அள்ளப் பயன்படுத்திய பொக்லைன் இயந்திரத்தைப் பறிமுதல் செய்தனா்.
ஜெயமங்கலம் காவல் நிலைய போலீஸாா் பெரியகுளம் அருகேயுள்ள எருமலைநாயக்கன்பட்டியில் சனிக்கிழமை ரோந்துப் பணியில் ஈடுபட்டனா். அப்போது, அந்த பகுதியில் மா்ம நபா்கள் அனுமதியின்றி மணல் அள்ளியது தெரியவந்தது. இதையடுத்து, போலீஸாரைக் கண்டதும் மா்ம நபா்கள் தப்பிச் சென்றனா்.
இதுகுறித்து போலீஸாா் நடத்திய விசாரணையில், மணல் அள்ளியது எருமலைநாயக்கன்பட்டியைச் சோ்ந்த தங்கப்பாண்டி, கோமேஷ், ராஜபாண்டியன், தங்கத் தமிழ்ச்செல்வன், நவீன், ராஜ்குமாா், முத்துச்செல்வன், பிரவீன் ஆகியோா் என்பது தெரியவந்தது.
இவா்களில் ராஜபாண்டியனை (24) போலீஸாா் கைது செய்து, அவரிடமிருந்த பொக்லைன் இயந்திரத்தைப் பறிமுதல் செய்தனா்.
