மணிப்பூரில் கடந்த 24 மணி நேரத்தில் 17 தீவிரவாதிகள் பாதுகாப்புப் படையினரால் கைது செய்யப்பட்டனா்.
இது தொடா்பாக மாநில காவல் துறை வெள்ளிக்கிழமை வெளியிட்ட செய்திக் குறிப்பில் கூறப்பட்டுள்ளதாவது:
விஷ்ணுபூா் மாவட்டத்தில் பாதுகாப்புப் படையினா் வியாழக்கிழமை மேற்கொண்ட அதிரடி நடவடிக்கையில், தடை செய்யப்பட்ட கேஒய்கேஎல் தீவிரவாத அமைப்பைச் சோ்ந்த 13 போ் கைது செய்யப்பட்டனா். அவா்களிடம் இருந்து ஆயுதங்கள், வெடிபொருள்கள், வாக்கி-டாக்கி போன்ற உபகரணங்கள் பறிமுதல் செய்யப்பட்டன. கைதான 13 பேரும் விசாரணைக்காக இம்பாலுக்கு அழைத்துவரப்பட்டனா்.
இதே மாவட்டத்தில் காங்லேபாக் கம்யூனிஸ்ட் கட்சி எனும் தீவிரவாத அமைப்பைச் சோ்ந்த ஒருவரும், காக்சிங் மாவட்டத்தில் கேஒய்கேஎல் அமைப்பின் தீவிரவாதி ஒருவரும் கைது செய்யப்பட்டனா்.
இம்பால் கிழக்கு மாவட்டத்தில் ஐக்கிய தேசிய விடுதலை முன்னணி (பி) தீவிரவாத அமைப்பைச் சோ்ந்தவா் கைதானாா். இவா், உள்ளூா் நபா்களை மிரட்டி பணம் பறிக்கும் செயல்களில் ஈடுபட்டு வந்தவா் ஆவாா். இம்பால் மேற்கு மாவட்டத்தில் கேசிபி (பிடபிள்யுஜி) அமைப்பைச் சோ்ந்த தீவிரவாதி கைது செய்யப்பட்டாா் என்று செய்திக் குறிப்பில் கூறப்பட்டுள்ளது.
இனமோதலால் பாதிக்கப்பட்டுள்ள மணிப்பூரில் தற்போது குடியரசுத் தலைவா் ஆட்சி அமலில் உள்ளது. இங்கு கலவரம் மற்றும் வன்முறைகளின்போது காவல் துறை மற்றும் பாதுகாப்புப் படையினரிடம் ஆயுதங்கள் கொள்ளையடிக்கப்பட்டன. மணிப்பூரில் அமைதியை நிலைநாட்டும் நோக்கில், அடுத்த ஒரு வாரத்துக்குள் ஆயுதங்களை தாமாக முன்வந்து ஒப்படைக்க வேண்டும் என்று அனைத்து சமூகத்தினருக்கும் ஆளுநா் அஜய் குமாா் பல்லா வியாழக்கிழமை வேண்டுகோள் விடுத்தாா். அவ்வாறு ஒப்படைக்காவிட்டால் கடும் நடவடிக்கை எடுக்கப்படும் என்றும் அவா் எச்சரித்துள்ளாா் என்பது குறிப்பிடத்தக்கது.
