மணிமுத்தாறு பேரூராட்சி: புதிய தலைவராக சுயேச்சை உறுப்பினா் தோ்வு

மணிமுத்தாறு சிறப்பு நிலை பேரூராட்சியில் தலைவராக இருந்த திமுகவை சோ்ந்த அந்தோனியம்மாள் மீது கொண்டுவரப்பட்ட நம்பிக்கையில்லாத் தீா்மானம் வெற்றியடைந்ததையடுத்து, வெள்ளிக்கிழமை நடைபெற்ற தோ்தலில் புதிய தலைவராக சுயேச்சை உறுப்பினா் சித்தாா்த் சிவா தோ்ந்தெடுக்கப்பட்டுள்ளாா்.

மணிமுத்தாறு சிறப்பு நிலை பேரூராட்சியில் 15 உறுப்பினா்கள் இருந்த நிலையில், 12ஆவது வாா்டு உறுப்பினா் விஜயகுமரன் பதவி விலகியதையடுத்து, தற்போது 14 உறுப்பினா்கள் உள்ளனா்.

இதில் பேரூராட்சித் தலைவியாக திமுகவைச் சோ்ந்த அந்தோனியம்மாள் இருந்து வந்தாா்.

இந்நிலையில், அந்தோனியம்மாள் மீது உறுப்பினா்கள் மே 8ஆம் தேதி கொண்டு வந்த நம்பிக்கையில்லாத் தீா்மானம் வெற்றிபெற்றதையடுத்து, அந்தோனியம்மாள் தலைவா் பதவியை இழந்தாா். இதையடுத்து, மணிமுத்தாறு பேரூராட்சியில் புதிய தலைவரை தோ்ந்தெடுப்பதற்கான சிறப்புக் கூட்டம் வெள்ளிக்கிழமை (ஜூலை 25) நடைபெறுவதாக அறிவிக்கப்பட்டு, தோ்தல் நடைபெற்றது.

இதை முன்னிட்டு,பேரூராட்சிஅலுவலகத்துக்கு போலீஸ் பாதுகாப்பு போடப்பட்டிருந்தது. உறுப்பினா்கள் சோதனைக்குப் பின்னரே கூட்ட அரங்குக்குள்அனுமதிக்கப்பட்டனா்.

கூட்டத்தில், முன்னாள்தலைவி அந்தோனியம்மாள் உள்பட 14 உறுப்பினா்களும் பங்கேற்றனா்.

தொடா்ந்து, பேரூராட்சி செயல் அலுவலரும், தோ்தல் நடத்தும் அதிகாரியுமான ரமாதேவி தோ்தலை நடத்தினாா்.

தோ்தலில் உறுப்பினா்கள் அனைவரும் வாக்கு செலுத்திய பின் நடைபெற்ற வாக்கு எண்ணிக்கையில் சுயேச்சை உறுப்பினா் சித்தாா்த் சிவா 10 வாக்குகளும், மோகன்ராஜா 4 வாக்குகளும் பெற்றனா்.

இதையடுத்து, சித்தாா்த் சிவா தலைவராக தோ்ந்தெடுக்கப்பட்டதாக அறிவித்த செயல் அலுவலா் ரமாதேவி அவருக்கு பதவிப் பிரமாணம் செய்துவைத்தாா்.

தலைவராக சித்தாா்த் சிவா தோ்ந்தெடுக்கப்பட்டதையடுத்து, வாா்டுஉறுப்பினா்கள், அனைத்துக் கட்சி நிா்வாகிகள், பேரூராட்சி பணிாளா்கள் அவருக்கு வாழ்த்து தெரிவித்தனா்.