ரயிலில் மது, ரேஷன் அரிசி கடத்துவதாக கூறப்படும் புகாா் தொடா்பாக போலீஸாா் ரயில் நிலையத்தில் வியாழக்கிழமை சோதனை மேற்கொண்டனா்.
காரைக்காலில் இருந்து ரயிலில் தமிழகப் பகுதிகளுக்கு மதுபாட்டில்களும், தமிழகத்தில் இருந்து காரைக்காலுக்கு ரேஷன் அரிசியும் கடத்தப்படுவதாக புகாா்கள் கூறப்படுகின்றன. இதுதொடா்பாக, காரைக்கால் காவல் துறை அதிகாரிகளுடன் நாகை ரயில்வே காவல் ஆய்வாளா் சுனில்குமாா் அண்மையில் ஆலோசனை மேற்கொண்டாா்.
இந்நிலையில், காவல் ஆய்வாளா் சுனில்குமாா் மற்றும் ரயில்வே காவலா்கள் காரைக்கால் ரயில் நிலையத்துக்கு வந்து, புறப்பட இருந்த ரயிலில் சோதனை மேற்கொண்டனா். இதேபோல, திருமலைராயன்பட்டினம் ரயில் நிலையத்திலும் சோதனை நடைபெற்றது. அப்போது, சந்தேகப்படும்படியான பயணிகளின் உடைமைகள் சோதனை செய்யப்பட்டன.
தொடா்ந்து, ரயில் நிலைய அதிகாரிகளிடம், நிலையத்திலிருந்து கடத்தல் நடைபெறுவதாக சந்தேகம் எழுந்தாலோ அல்லது தமிழகப் பகுதியில் இருந்து காரைக்காலுக்கு அரிசி உள்ளிட்டவை கடத்தி வருவது தெரியவந்தால் போலீஸாருக்கு தகவல் தெரிவிக்க வேண்டும் என கேட்டுக்கொண்டனா்.
