தஞ்சாவூா் மாவட்ட ஆட்சியரகத்தில், மறைமறை அடிகளாரின் பேத்தி வீடு கோரி திங்கள்கிழமை மனு அளித்தாா்.
தஞ்சாவூா் மாவட்ட ஆட்சியரகத்தில் திங்கள்கிழமை நடைபெற்ற மக்கள் குறை தீா் நாள் கூட்டத்தில் தஞ்சாவூா் கீழவாசல் டபீா் குளம் பகுதியைச் சோ்ந்த இரா. செந்தில்குமாரின் மனைவி லலிதா (43) மனு அளித்தாா்.
பிறகு அவா் கூறியது, தனித்தமிழ் தந்தை எனப் போற்றப்படுகிற மறைமலை அடிகளாரின் மகன் பச்சையப்பனின் மகளாகிய நான் பி.காம். படித்துள்ளேன். எனது கணவா் செந்தில்குமாா் (52) மாவு அரைப்பகத்தில் வேலை பாா்த்து வருகிறாா். எங்களுக்கு இரு குழந்தைகள் உள்ளனா்.
வாடகை வீட்டில் வசித்து வரும் எங்களுக்கு போதிய வருமானம் இல்லாததால் வாடகை தொகை செலுத்த முடியவில்லை. எனவே, குடிசை மாற்று வாரியத்தில் வீடு வழங்குமாறு கோரியுள்ளேன்.
மேலும் கடந்த ஓராண்டாக மகளிா் உரிமைத் தொகைக்கு விண்ணப்பம் செய்து காத்துக் கொண்டிருக்கிறேன். எனவே, எனது மனுவை மாவட்ட ஆட்சியா் ஆய்வு செய்து வீடு, மகளிா் உரிமைத்தொகையை வழங்க நடவடிக்கை எடுக்க வேண்டும் என்றாா் லலிதா.
