கோயிலில் அம்மன் கழுத்தில் கிடந்த தங்கத் தாலி திருட்டு

திருவிடைமருதூா் அருகே உள்ள சோழபுரம் மானம்பாடியில் வடபத்ரகாளியம்மன் கோயிலில் அம்மன் கழுத்தில் கிடந்த தங்கத் தாலி திருடு போனது ஞாயிற்றுக்கிழமை தெரியவந்தது.

தஞ்சாவூா் மாவட்டம், சோழபுரத்தில் உள்ள வடபத்ரகாளியம்மன் கோயில் பூசாரி இளையராஜா(46). இவா் ஞாயிற்றுக்கிழமை காலை கோயிலை திறந்து உள்ளே சென்றாா்.

அப்போது அம்மன் கழுத்தில் கிடந்த இரண்டே முக்கால் பவுன் தங்கத் தாலி மற்றும் குண்டு ஆகியவை திருடுபோனது தெரியவந்தது.

இதுகுறித்து இளையராஜா சோழபுரம் காவல் நிலையத்தில் புகாா் அளித்தாா்.

அதன்பேரில் காவல் உதவி ஆய்வாளா் ஹரிகிருஷ்ணன் வழக்குப் பதிவு செய்து அங்குள்ள கண்காணிப்பு கேமரா பதிவுகளை ஆய்வு செய்தும் கைரேகை நிபுணா்கள் மூலம் தடயங்களை சேகரித்தும் விசாரணை நடத்தி வருகிறாா்.