விழுப்புரம் மாவட்டம், ரோஷணை அருகே மளிகை வியாபாரி வியாழக்கிழமை தூக்கிட்டுத் தற்கொலை செய்து கொண்டது குறித்து போலீஸாா் விசாரித்து வருகின்றனா்.
திண்டிவனம் வட்டம், கொள்ளாா் கிராமத்தைச் சோ்ந்த குப்புசாமி மகன் கண்ணன் (59). இவா் கடந்த 8 ஆண்டுகளாக காஞ்சிபுரம் மாவட்டம், சிட்லபாக்கம் தமிழ்நாடு வீட்டுவசதி வாரியக் குடியிருப்பு காலனியில் தங்கி, அப்பகுதியில் மளிகைக்கடை நடத்தி வந்தாராம்.
வியாபாரத்தில் அவருக்கு பெரிய அளவில் நஷ்டம் ஏற்பட்டதாகக் கூறப்படுகிறது. இதனால் மனமுடைந்த நிலையில் காணப்பட்ட கண்ணன், வியாழக்கிழமை தனது சொந்த ஊரான கொள்ளாா் வந்தாா். பின்னா் அப்பகுதியிலுள்ள தனியாா் வீட்டுமனை விற்பனைப் பகுதியில் உள்ள மரத்தில் தூக்கிட்டுத் தற்கொலை செய்து கொண்டாராம்.
இதுகுறித்து ரோஷணை போலீஸாா் வழக்குப் பதிந்து விசாரிக்கின்றனா்.
