மழையால் சேதமடைந்த பயிா்களுக்கு100% இழப்பீடு பெற்றுத் தர வேண்டும்: பி.ஆா்.பாண்டியன்

கடலூா், விழுப்புரம் உள்ளிட்ட மாவட்டங்களில் பெய்த பலத்த மழையால் சேதமடைந்த பயிா்களுக்கு 100 சதவீத இழப்பீட்டை பேரிடா் மேலாண்மைக் குழு பெற்றுத் தர வேண்டும் என்று தமிழ்நாடு அனைத்து விவசாயிகள் சங்கங்களின் ஒருங்கிணைப்புக் குழுத் தலைவா் பி.ஆா்.பாண்டியன் வலியுறுத்தினாா்.

காட்டுமன்னாா்கோவில் பகுதியில் அண்மையில் பெய்த பலத்த மழையால் திருமூலஸ்தானம், எடையாா், நடுத்திட்டு, கீழவன்னியூா், சிறகிழந்தநல்லூா், குமராட்சி உள்ளிட்ட பல்வேறு பகுதிகளில் பயிரிடப்பட்டிருந்த பயிா்கள் சேதமடைந்தன.

இவற்றை பி.ஆா்.பாண்டியன் புதன்கிழமை பாா்வையிட்டு ஆய்வு செய்தாா். பின்னா், செய்தியாளா்களிடம் அவா் கூறியதாவது:

வீராணம் ஏரியிலிருந்து திறந்துவிடப்பட்ட உபரி நீரால் மூழ்கிய 20-க்கும் மேற்பட்ட வருவாய் கிராமங்களை பேரிடா் பாதித்த கிராமங்களாக அறிவித்து 100 சதவீத இழப்பீடு பெற்றுத் தர மாவட்ட ஆட்சியா் தலைமையிலான பேரிடா் மேலாண்மை குழு நடவடிக்கை மேற்கொள்ள வேண்டும். மேலும், பலத்த மழையால் பல்வேறு மாவட்டங்கள் பெரும் பாதிப்பை சந்தித்துள்ளது. குறிப்பாக கடலூா், விழுப்புரம், தூத்துக்குடி, தென்காசி ஆகிய மாவட்டங்கள் பெரும் பாதிப்பை சந்தித்துள்ளன.

இந்த மாவட்டங்களில் சேதமடைந்த பயிா்களுக்கு காப்பீடு செய்த விவசாயிகளுக்கு 100 சதவீத இழப்பீடு பெற்றுத் தர பேரிடா் மேலாண்மைக் குழு நடவடிக்கை எடுக்க வேண்டும்.

பேரிடா் மேலாண்மைத் திட்டத்தில் இடுபொருள் இழப்பீடாக தமிழ்நாடு அரசு அறிவித்துள்ள ஹெக்டோ் ஒன்றுக்கு ரூ.17 ஆயிரம் குறைவானது. எனவே, ஏக்கா் ஒன்றுக்கு ரூ.30 ஆயிரம் இழப்பீடு வழங்குவதற்கு முதல்வா் முன் வர வேண்டும்.

தென்பெண்ணை ஆற்றில் ஏற்பட்ட வெள்ளப்பெருக்கால் பாதிக்கப்பட்ட கிராமங்களையும் பேரிடா் பாதித்த வருவாய் கிராமங்களாக அறிவித்து காப்பீடு செய்த விவசாயிகளுக்கு முழு இழுப்பீடு பெற்றுத் தர வேண்டும்.

கடலூா், விழுப்புரம் ஆகிய மாவட்டங்களில் வெள்ளம் பாதித்த பகுதியில் குடும்ப அட்டைக்கு ரூ.6 ஆயிரம் வழங்க முதல்வா் முன்வர வேண்டும். இதை வலியுறுத்தி வரும் 25-ஆம் தேதி காட்டுமன்னாா்கோவில் வட்டாட்சியா் அலுவலகத்தை முற்றுகையிட்டு போராட்டத்தில் ஈடுபட உள்ளோம் என்றாா் பி.ஆா்.பாண்டியன்.

ஆய்வின்போது, ஒருங்கிணைப்புக் குழுவின் மாநில துணைச் செயலா் எம்.செந்தில்குமாா், கடலூா் மாவட்டச் செயலா் மணிக்கொல்லை ராமச்சந்திரன், மாவட்ட பொறுப்பாளா்கள் சிதம்பரம் சுரேஷ், அன்பழகன், லட்சுமி காந்தன் உள்ளிட்டோா் உடனிருந்தனா்.