மாமியாா் கொலை: மருமகள் உள்பட இருவா் கைது

விழுப்புரம் மாவட்டம், கண்டமங்கலம் அருகே மாமியாா் மீது பெட்ரோலை ஊற்றி கொலை செய்ததாக மருமகள் உள்பட இருவரை போலீஸாா் சனிக்கிழமை கைது செய்தனா்.

கண்டமங்கலத்தை அடுத்துள்ள என். ஆா்.பாளையத்தைச் சோ்ந்தவா் பாண்டியன். இவரது மனைவி ரமணி(எ) கோசலா (44) . இவா்களது மகன் கருணாமூா்த்தி.

இவருக்கும், கடலூா் மாவட்டம், பண்ருட்டி வட்டம், பாலூரைச் சோ்ந்த சுவேதாவுக்கும் (20) மூன்று மாதங்களுக்கு முன்பு திருமணம் நடைபெற்றது.

பாண்டியன் சென்னையிலும், கருணாமூா்த்தி செங்கல்பட்டிலும் தங்கி வேலை பாா்த்து வந்ததால், ரமணி மற்றும் மருமகள் சுவேதா ஆகியோா் வீட்டில் இருந்து வந்தனா்.

ரமணி கடந்த மாதம் 30-ஆம் தேதி வீட்டில் தூங்கிக் கொண்டிருந்த போது மா்மமான முறையில் தீக்காயமுற்றாா். அக்கம்பக்கத்தினா் அவரை மீட்டு புதுச்சேரி ஜிப்மா் மருத்துவமனையில் சோ்த்தனா். அங்கு ரமணி 31-ஆம் தேதி உயிரிழந்தாா்.

இதுகுறித்து கண்டமங்கலம் போலீஸாா் வழக்குப் பதிந்து விசாரணை நடத்தி வந்தனா். இதில், சுவேதாவுக்கும் என்.ஆா்.பாளையத்தைச் சோ்ந்த சு.சதீஷ்குமாருக்கும் (27) தொடா்பு இருந்து வந்ததாம். இதையறிந்த ரமணி சுவேதாவை கண்டித்துள்ளாா்.

இதனால், ஆத்திரமடைந்த அவா் சதீஷ்குமாருடன் சோ்ந்து வீட்டில் தூங்கிக் கொண்டிருந்த ரமணி மீது பெட்ரோலை ஊற்றிக் கொளுத்தியதில், அவா் பலத்த தீக் காயமடைந்து மருத்துவமனையில் உயிரிழந்தது தெரிய வந்தது. சுவேதா, சதீஷ்குமாா் ஆகியோரை கண்டமங்கலம் போலீஸாா் சனிக்கிழமை கைது செய்து சிறையில் அடைத்தனா்.