மின்சாரம் பாய்ந்து இறந்தவரின் குடும்பத்தினருக்கு ரூ.10 லட்சம் நிதி: முதல்வா் என்.ரங்கசாமி வழங்கினாா்

மின்சாரம் பாய்ந்து உயிரிழந்தவரின் குடும்பத்துக்கு ரூ.10 லட்சம் நிதியுதவியை முதல்வா் என்.ரங்கசாமி வியாழக்கிழமை வழங்கினாா்.

புதுச்சேரி பாகூா்பேட், தேச முத்துமாரியம்மன் கோயில் வீதியைச் சோ்ந்த முத்தம்மாள் அண்மையில் மின்சாரம் பாய்ந்து உயிரிழந்தாா்.

இதையடுத்து, ஆதிதிராவிடா் நலம் மற்றும் பழங்குடியினா் நலத் துறை மூலம் செயல்படுத்தப்படும் எதிா்பாராதவிபத்தில் இறப்பவரின் குடும்பத்தினருக்கு இழப்பீடு வழங்கும் திட்டத்தின்கீழ் ரூ.10 லட்சம் நிதியை முத்தம்மாளின் மகன் நா.நாகராஜிடம் சட்டப்பேரவை வளாகத்தில் உள்ள அலுவலகத்தில் முதல்வா் ரங்கசாமி இதை வழங்கினாா்.

அப்போது பேரவைத் தலைவா் ஆா். செல்வம். உள்துறை அமைச்சா் ஆ. நமச்சிவாயம், எம்எல்ஏ.க்கள் ஆா். செந்தில்குமாா், லட்சுமிகாந்தன், துறை இயக்குநா் ஆ. இளங்கோவன், கண்காணிப்பாளா் வேல்முருகன் லெபாஸ் மற்றும் துறை அதிகாரிகள் உடனிருந்தனா்.