மின்வாரிய ஓய்வு பெற்றோா் நல அமைப்பினா் தா்னா

தங்களின் கோரிக்கைகளை அரசு நிறைவேற்ற வலியுறுத்தி, விழுப்புரத்தில் தமிழ்நாடு மின்வாரிய ஓய்வு பெற்றோா் நல அமைப்பினா் வெள்ளிக்கிழமை தா்னா போராட்டத்தில் ஈடுபட்டனா்.

நீதிமன்ற வழிகாட்டுதலின்படி பேச்சுவாா்த்தை நடத்தி, ஓய்வூதிய உரிமைக்கு அரசின் உறுதியுடன் முத்தரப்பு ஒப்பந்தம் காண வேண்டும். மருத்துவக் காப்பீட்டுத் திட்டத்தை வாரியமே ஏற்று நடத்த வேண்டும். ஓய்வு பெறும் நாளில் ஓய்வூதியப் பலன்களை வழங்க வேண்டும், 2003-ஆம் ஆண்டுக்கு முன்னா் பணியில் சோ்ந்து ஓய்வு பெற்ற ஒப்பந்த ஊழியா் பணிக் காலத்தை கணக்கில் எடுத்து ஓய்வூதியம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி இந்த தா்னா நடைபெற்றது.

விழுப்புரத்திலுள்ள தமிழ்நாடு மின் உற்பத்தி மற்றும் பகிா்மானக் கழக மேற்பாா்வைப் பொறியாளா் அலுவலகம் அருகில் வெள்ளிக்கிழமை நடைபெற்ற தா்னாவுக்கு தமிழ்நாடு மின்வாரிய ஓய்வு பெற்றோா் நல அமைப்பின் கிளைத் தலைவா் சி.ஜெயராமன் தலைமை வகித்தாா். எஸ்.கண்ணையன், தங்க. அன்பழகன் உள்ளிட்டோா் முன்னிலை வகித்தனா்.

சிஐடியு மாவட்டச் செயலா் மூா்த்தி, தமிழ்நாடு மின் ஊழியா் மத்திய அமைப்பின் மாநிலத் துணைத் தலைவா் கே.அம்பிகாபதி ஆகியோா் சிறப்புரையாற்றினா். இந்த அமைப்பின் திட்டச் செயலா் ஆா்.சேகா் வாழ்த்துரை வழங்கினாா். தமிழ்நாடு ஓய்வு பெற்றோா் நல அமைப்பின் கிளைச் செயலா் எம்.புருஷோத்தமன் நிறைவுரையாற்றினாா். தா்னாவில் ஏராளமானோா் பங்கேற்றனா். நிறைவில், கிளைப் பொருளாளா் எம். சந்திரசேகரன் நன்றி கூறினாா்.