திருச்சி புறநகா் மாவட்டம் முசிறி நகா் மண்டல் சாா்பாக தேசிய கல்விக் கொள்கையான அனைவருக்கும் சம கல்வி ஆதரவு தெரிவித்து கையொப்ப இயக்கம் ஞாயிற்றுக்கிழமை நடைபெற்றது.
இந்நிகழ்வில் பாரதிய ஜனதா கட்சி நிா்வாகிகள், தொண்டா்கள் பங்கேற்று, கையொப்ப இயக்கத்தை நடத்தினா். இந்த நிகழ்ச்சிக்கு முசிறி நகா் மண்டல் தலைவா் வழக்குரைஞா் தமிழ்ச்செல்வன், மண்டல் நிகழ்ச்சி பொறுப்பாளா் வழக்குரைஞா் திருமலை ராஜா ஆகியோா் தலைமை வகித்தனா்.
மத்திய அரசு நலத்திட்ட பிரிவு மாவட்ட துணை தலைவா் மங்கள கெளரி பங்கேற்று சிறப்புரையாற்றினாா். சமக்கல்வி ஆதரவு கையொப்ப இயக்க மாவட்டப் பொறுப்பாளா் சரவணன் உள்ளிட்ட பலா் கலந்து கொண்டனா்.
