முதுகுளத்தூரில் உங்களைத் தேடி உங்கள் ஊரில் திட்ட முகாம்

முதுகுளத்தூரில் உங்களைத் தேடி உங்கள் ஊரில் திட்ட முகாமில் வளா்ச்சித் திட்டப்பணிகளை மாவட்ட ஆட்சியா் சிம்ரன்ஜீத் சிங் காலோன் புதன்கிழமை ஆய்வு செய்தாா்.

இந்த ஆய்வின்போது முதுகுளத்தூா் முதல் உத்தரகோசமங்கை வரை ரூ.4.35 கோடியில் 2.8 கி.மீ தொலைவில் சாலையை இருவழிச் சாலையாக அகலப்படுத்தும் பணிகளைப் பாா்வையிட்டாா்.

இதைத்தொடா்ந்து முதுகுளத்தூா் பேருந்து நிலையம் அருகே திடல் ஊருணியில் கலைஞா் நகா்ப்புறத் திட்டம் அம்ரூத் திட்டத்தின் கீழ் ரூ.1.19 கோடியில் ஊருணி மேம்படுத்தும் பணி, பேவா் பிளாக் நடைபாதை அமைக்கும் பணிகள், செல்வநாயகபுரத்தில் முதல்வரின்

கிராம சாலைகள் மேம்பாட்டுத் திட்டத்தின் கீழ் தஞ்சாவூா்-சாயல்குடி சாலை, செல்வநாயகபுரம் சாலை ரூ.42.21 லட்சம் மேற்கொள்ளப்படும் பணிகளை ஆய்வு மேற்கொண்டாா்.

இதேபோல, தேரிருவேலியில் செயல்பட்டுவரும் நியாயவிலைக் கடை, சாம்பக்குளம் ஊராட்சியில், ஊராட்சி செயலா் அலுவலக கட்டடப் பணியை ஆய்வு செய்தாா்.

முதுகுளத்தூா் ஊராட்சி ஒன்றிய அலுவலகத்தில் அனைத்துத்துறை அலுவலா்களுடன் பொதுமக்களிடம் மனுக்களை பெற்று, குறைகளை கேட்டறிந்தாா். மனுக்கள் மீது உரிய நடவடிக்கை மேற்கொள்ள அலுவலா்களுக்கு உத்தரவிட்டாா். கூடுதல் ஆட்சியா் (வளா்ச்சி) வீா்பிரதாப் சிங், மாவட்ட வருவாய் அலுவலா் ரா.கோவிந்தராஜுலு,

பரமக்குடி சாா் ஆட்சியா் அபிலஷா கௌா், மாவட்ட சமூக பாதுகாப்புத் திட்ட தனித் துணை ஆட்சியா் தனலட்சுமி உள்ளிட்டோா் கலந்து கொண்டனா்.