மேட்டூர் அணைக்கு வரும் நீரின் அளவு வினாடிக்கு 8218 கன அடியாக அதிகரித்துள்ளது.
கர்நாடக மாநிலம் கபினியிலிருந்து காவிரியில் திறக்கப்பட்ட நீர் வரத்து காரணமாக வியாழக்கிழமை காலை வினாடிக்கு 6,829 கன அடி வீதம் வந்து கொண்டிருந்த நீர் வரத்து வெள்ளிக்கிழமை காலை வினாடிக்கு 8,218 கன அடியாக சற்று அதிகரித்துள்ளது.
அணையில் இருந்து காவிரி டெல்டா பாசனத்திற்குதிறக்கப்படும் நீரின் அளவு வினாடிக்கு 12,000 கன அடியிலிருந்து வினாடிக்கு 16,000 கன அடியாக அதிகரிக்கப்பட்டுள்ளது.
மேட்டூர் அணையின் நீர்மட்டம் 114.81 அடியிலிருந்து 113.57 அடியாக சரிந்துள்ளது.
நீர் இருப்பு 83.58 டிஎம்சியாக உள்ளது.
