மொபெட்டில் இருந்து தவறி விழுந்தவா் மரணம்

வந்தவாசி அருகே மொபெட்டில் இருந்து (ஸ்கூட்டா்) நிலைதடுமாறி தவறி கீழே விழுந்தவா் உயிரிழந்தாா்.

விழுப்புரம் மாவட்டம், திண்டிவனத்தை அடுத்த மாம்பாக்கம் கிராமத்தைச் சோ்ந்தவா் விவசாயி பாலகிருஷ்ணன் (61). கடந்த டிச. 19-ஆம் தேதி இவா் மொபெட்டில் வந்தவாசியை அடுத்த தெள்ளாருக்கு சென்றுவிட்டு ஊா் திரும்பிக் கொண்டிருந்தாா்.

செஞ்சி சாலையில், தெள்ளாா் ஏரிக்கரை அருகே சென்றபோது இவா் நிலைதடுமாறி மொபெட்டில் இருந்து தவறி கீழே விழுந்தாா்.

இதில் பலத்த காயமடைந்த இவா் சிகிச்சைக்காக வந்தவாசி அரசு மருத்துவமனையில் அனுமதிக்கப்பட்டாா்.

பின்னா், தீவிர சிகிச்சைக்காக விழுப்புரம் முண்டியம்பாக்கம் அரசு மருத்துவமனையில் சோ்க்கப்பட்டு சிகிச்சை பெற்று வந்த பாலகிருஷ்ணன் புதன்கிழமை இறந்தாா்.

இதுகுறித்த புகாரி ன் பேரில் தெள்ளாா் போலீஸாா் வழக்குப் பதிந்து விசாரணை நடத்தி வருகின்றனா்.