மோகன் லால், பிரபாஸ் சிறப்புத் தோற்றத்தில் நடித்துள்ள ‘கண்ணப்பா’ முதல்நாள் வசூல் எவ்வளவு?

நடிகர்கள் மோகன் லால், பிரபாஸ், அக்‌ஷய் குமார் சிறப்புத் தோற்றத்தில் நடித்துள்ள ’கண்ணப்பா’ திரைப்படத்தின் முதல்நாள் வசூல் எவ்வளவு? என்பதைப் பற்றிய விவரம் வெளியாகியுள்ளது.

தெலுங்கு நடிகர் மோகன் பாபுவின் மகனான விஷ்ணு மஞ்சு நடித்துள்ள ‘கண்ணப்பா’ உலகம் முழுவதும் வெள்ளிக்கிழமை(ஜூன் 27) திரையரங்குகளில் வெளியானது. தெலுங்கு, ஹிந்தி, தமிழ், மலையாளம் எனப் பல மொழிகளிலும் ’பான்-இந்தியா’ திரைப்படமாக கண்ணப்பா உருவாக்கப்பட்டுள்ளது.

முழுக்க முழுக்க ஒரு சிவபக்தர் கதைக்களத்தை அடிப்படையாகக் கொண்டு இத்திரைப்படம் எடுக்கப்பட்டுள்ளது. நடிகரும் திரைப்படத் தயாரிப்பாளருமான விஷ்ணு மஞ்சு கதாநாயகனாக நடித்துள்ள இப்படத்தில் அவருடன் மோகன் லால், பிரபாஸ் மற்றும் பாலிவுட் நடிகர் அக்‌ஷய் குமார் ஆகியோரும் சிறப்புத் தோற்றத்தில் நடித்துள்ளதால் ‘கண்ணப்பா’ மீதான எதிர்பார்ப்பு ரசிகர்களிடையே அதிகம் நிலவியது.

இந்த நிலையில், இத்திரைப்படம் வெளியான முதல்நாளில் மட்டும் ரூ. 9 கோடி வசூலித்திருப்பதாக தகவல் வெளியாகியுள்ளது. எனினும், வசூல் குறித்த அதிகாரபூர்வ தகவல் படத் தயாரிப்பு நிறுவனத்திலிருந்து இன்னும் வெளியிடப்படவில்லை.