யாா் வந்தாலும் முதல்வரை அசைத்துப் பாா்க்க முடியாது: முன்னாள் அமைச்சா் க.பொன்முடி

விழுப்புரம்: புதியது, பழையது என யாா் வந்தாலும் முதல்வா் மு.க.ஸ்டாலினை அசைத்து பாா்க்க முடியாது என்றாா் முன்னாள் அமைச்சா் க.பொன்முடி எம்.எல்.ஏ.

விழுப்புரத்தில் திங்கள்கிழமை நடைபெற்ற அன்புக்கரங்கள் திட்டத் தொடக்க விழாவில் பங்கேற்ற அவா், பின்னா் செய்தியாளா்களிடம் கூறியது:

தமிழக வெற்றிக் கழகத் தலைவா் விஜய்க்கு விக்கிரவாண்டியில் கூடியவா்கள்தான் மதுரை மற்றும் திருச்சியில் கூடியுள்ளனா். தமிழகத்தை தொடா்ந்து ஆளக்கூடியவா் மு.க.ஸ்டாலின் என்பதில் மாறுபட்ட கருத்து இல்லை. விஜய் கூறியது போல புதியது, பழையது என யாா் வந்தாலும் முதல்வரை அசைத்துப் பாா்க்க முடியாது.

வக்ஃபு திருத்தச் சட்டத்தை தமிழக முதல்வா் ஸ்டாலின் தொடா்ந்து எதிா்த்து வருகிறாா்.சிறுபான்மையின மக்கள் பாதிக்கப்படக்கூடாது என்பதுதான் நோக்கம். இதனடிப்படையில் உச்ச நீதிமன்றம் சில திருத்தங்களுக்கு இடைக்காலத் தடை விதித்திருப்பது வரவேற்கத்தக்கது.

அதிமுக தற்போது ஐந்து கட்சியாக இருப்பதால் செங்கோட்டையன் உள்ளிட்ட ஒவ்வொருவரும் தில்லியில் உள்ளவா்களைப் பாா்க்கின்றனா். பாரதிய ஜனதா கட்சியின் கைப்பாவையாக அதிமுக மாறிவிட்டது என்றாா் பொன்முடி.