ரத யாத்திரை சென்ற பக்தா்கள் தடுத்து நிறுத்தம்

திருவண்ணாமலை மாவட்டம், சேத்துப்பட்டில் சனிக்கிழமை ரத யாத்திரை சென்ற சென்னை பக்தா்களை போலீஸாா் தடுத்து நிறுத்தினா்.

தென் கைலாய பக்தி பேரவை சாா்பில், சென்னை கூடுவாஞ்சேரியில் இருந்து கோவை வெள்ளியங்கிரிக்கு நாயன்மாா்கள் ரதத்துடன் யாத்திரையாக செல்கின்றனா்.

சேத்துப்பட்டுக்கு சனிக்கிழமை வந்த இந்தக் குழுவினருக்கு அந்தப் பகுதி சிவ பக்தா்கள் சாா்பில் வரவேற்பு அளிக்கப்பட்டது. 63 நாயன்மாா்கள் சிலைகளுக்கு சிறப்பு அபிஷேக, ஆராதனைகள் நடைபெற்றன.

இதையடுத்து, பயணத்தை யாத்திரைக் குழுவினா் தொடா்ந்த போது, காவல் ஆய்வாளா் ராஜாராம், உதவி ஆய்வாளா் நாராயணன் ஆகியோா் அவா்களைத் தடுத்து நிறுத்தினா். அனுமதியின்றி யாத்திரை செல்வதாகவும், உரிய அனுமதி கிடைத்ததும் யாத்திரையை தொடருமாறும் அறிவுறுத்தினா்.

நீண்ட நேரமாகியும் போலீஸாா் எதுவும் கூறவில்லை எனக் கூறப்படுகிறது. இதையடுத்து, யாத்திரை குழுவினா் பயணத்தைத் தொடா்ந்தனா். அவா்களை போளூா் டிஎஸ்பி மனோகரன் தலைமையிலான போலீஸாா் தடுத்து நிறுத்தினா்.

தகவலறிந்த தேவிகாபுரம் இந்து முன்னணி ஆன்மிகப் பிரிவு மாவட்டத் தலைவா் சுரேஷ், ஆரிய வைசிய நிா்வாகி கனகராஜ், சேத்துப்பட்டு இந்து முன்னணி தலைவா் ராஜா, பொருளாளா் பாலாஜி, பாஜக மாவட்ட தலைவா் கவிதா வெங்கடேசன் ஆகியோா் சம்பவ இடத்துக்குச் சென்று டிஎஸ்பி மனோகரனிடம் வாக்குவாதத்தில் ஈடுபட்டனா்.

தொடா்ந்து, ரத யாத்திரை பக்தா்களை நம்பேடு தனியாா் திருமண மண்டபத்தில் போலீஸாா் தங்க வைத்தனா்.

அவா்களை ஞாயிற்றுக்கிழமை அதிகாலை 4 மணிக்கு யாத்திரையை தொடருமாறு மாவட்ட எஸ்.பி. சுதாகா் அறிவுறுத்தியுள்ளதாக காவல் துறை வட்டாரங்கள் தெரிவித்தன.