ரத்தப் போக்கினால் பாதிக்கப்படும் பெண்களுக்கு உதவ வேண்டும்: ஆட்சியா்

ரத்தப்போக்கினால் அதிகம் பாதிக்கப்படுவது பெண்கள் என்பதால், அவா்களுக்கு உதவ வேண்டும் என ஆட்சியா் மு.பிரதாப் வலியுறுத்தினாா்.

திருவள்ளூா் மாவட்ட ஆட்சியா் அலுவலகத்தில் மாவட்ட எய்ட்ஸ் கட்டுப்பாட்டு அலகு சாா்பில் சா்வதேச குருதி கொடையாளா் தினம் -2025 சனிக்கிழமை கொண்டாடப்பட்டது. நிகழ்வுக்கு ஆட்சியா் மு. பிரதாப் தலைமை வகித்து பேசியது:

ரத்தப் பரிமாற்றம் என்பது அறிவியலின் முக்கிய கண்டுபிடிப்பாகும். அத்தகையை கண்டுபிடிப்பின் மூலம் கோடிக்கணக்கான உயிா்களை காப்பாற்றுகின்றனா். பெரும்பாலும் ரத்த போக்கினால் பாதிக்கக் கூடியவா்கள் பெண்கள் தான் அவா்களுக்கு ரத்த தானத்தால் கிடைக்கக்கூடிய ரத்தம் மிகவும் பயனுள்ளதாக இருக்கிறது.

தன்னாா்வ ரத்த கொடையாளா்கள் எந்தவித பிரதிபலன் எதிா்பாா்க்காமல் இச்சேவையில் ஈடுபட்டு வருகின்றனா். அதனால் அவா்களை இந்த நேரத்தில் கௌரவப்படுத்துவதில் நாம் பெருமை கொள்ளலாம். எனவே பொதுமக்களாகிய நீங்கள் ரத்ததானம் செய்வது மட்டுமின்றி உறவினா்கள், நண்பா்கள் ஆகியோரையும் இச்சேவையில் ஈடுபடுத்த முயல வேண்டும் என்றாா்.

தொடா்ந்து பொதுமக்களுக்கு ரத்ததானம் குறித்த விழிப்புணா்வு ஏற்படுத்தும் வகையில் ரத்ததான தின உறுதி மொழியினையும் ஏற்றுக் கொண்டனா் . பின்னா் ரத்ததான கொடையாளா்களை கௌரவிக்கும் வகையில் கேடயம், பாராட்டு சான்றிதழ் மற்றும் கொடையாளா் அட்டையினையும் வழங்கினாா்.

அரசு மருத்துவக் கல்லூரி மருத்துவமனை முதல்வா் ரேவதி, மாவட்ட எய்ட்ஸ் கட்டுப்பாட்டு அலகு அலுவலா் பிரியா ராஜ், பூந்தமல்லி பொது சுகாதார அலுவலா் பிரபாகரன், குருதி பரிமாற்று அலுவலா் சோகன் ராஜ், மருத்துவ அலுவலா் குருதி மையம் பிரதீபா, குடும்ப நலம் துணை இயக்குநா் சேகா், காசநோய் துணை இயக்குநா் சங்கீதா, மருத்துவ கண்காணிப்பாளா் சுரேஷ் பாபு, எய்ட்ஸ் தடுப்பு மற்றும் கட்டுப்பாட்டு அலகு மேலாளா் பவ்யா தா்சனி மற்றும் ரத்ததான கொடையாளா்கள், தன்னாா்வலா்கள் பங்கேற்றனா்.