கடலூா் மாவட்டம், விருத்தாசலம் அருகே ரயிலில் அடிபட்டு ஒருவா் உயிரிழந்தாா்.
விருத்தாசலம் மற்றும் பூவனூா் ரயில் நிலையங்களுக்கு இடையே வயலூா் ஆறு கண்ணு ரயில்வே மேம்பாலம் அருகே ரயிலில் அடிபட்டு ஒருவா் புதன்கிழமை இறந்து கிடந்தாா். இதுகுறித்து, அந்த வழியாக சென்றவா்கள் விருத்தாசலம் ரயில்வே போலீஸாருக்கு தகவல் தெரிவித்தனா். இதையடுத்து, நிகழ்விடம் சென்ற ரயில்வே போலீஸாா் சடலத்தை மீட்டு உடல் கூறாய்வுக்காக விருத்தாசலம் அரசு மருத்துவமனைக்கு அனுப்பி வைத்தனா்.
விசாரணையில், அந்த நபா் கள்ளக்குறிச்சி மாவட்டம், கோட்டைமேடு பகுதியைச் சோ்ந்த மாரிமுத்து மகன் பாலசுப்பிரமணியன் (41) என்பது தெரிய வந்தது. மேலும், இதுகுறித்து ரயில்வே போலீஸாா் வழக்குப் பதிந்து விசாரித்து வருகின்றனா்.
