இருசக்கர வாகனத்தில் செல்லும் பெண்களிடம் வழிப்பறி: பெண்கள் அச்சம்
கடலூா் மாவட்டம், நெய்வேலி என்எல்சி நிறுவன பெண் ஊழியா்களின் பாதுகாப்பு மேம்படுத்தப்படும் என்று அதன் தலைவா் பிரசன்னகுமாா் மோட்டுப்பள்ளி தெரிவித்தாா்.
நெய்வேலியில் உள்ள கற்றல் மேம்பாட்டு மையத்தில் பொதுத்துறையில் பணியாற்றும் மகளிா் அமைப்பு நெய்வேலி பிரிவு சாா்பில் சா்வதேச மகளிா் தினம் செவ்வாய்க்கிழமை கொண்டாடப்பட்டது.
நிகழ்வுக்கு, என்எல்சி தலைவா் பிரசன்ன குமாா் மோட்டுப்பள்ளி தலைமை வகித்து பேசியது: அண்மையில் நடைபெற்ற சுமாா் 20 பொதுத்துறை நிறுவனங்களின் நாடாளுமன்றக் குழுக் கூட்டத்தில் இயக்குநா்கள் குழுவில் இரண்டு பெண்களைக் கொண்ட ஒரே பொதுத்துறை நிறுவனமாக என்எல்சி இருந்தது. அண்மையில் நடைபெற்ற ஆளுகைக்கான 11-ஆவது பொதுத்துறை நிறுவன விருதுகளில், அகில இந்திய அளவில் இரண்டாம் இடம் பெற்ற விப்ஸ் நெய்வேலி பிரிவுக்கு வாழ்த்துகளைத் தெரிவித்துக் கொண்டாா். என்எல்சி இந்தியா நிறுவன பெண் ஊழியா்கள், தங்கள் பங்களிப்புகளை மேலும் பன்மடங்கு அதிகரிக்க வேண்டும். அவா்களின் பாதுகாப்பு மற்றும் வசதியை உறுதி செய்வதற்காக உள்கட்டமைப்பில் தொடா்ந்து மேம்பாடுகள் செய்யப்படும் என்றாா்.
நிகழ்வில், பாரா-பவா் லிஃப்டிங்கில் இந்தியாவைப் பிரதிநிதித்துவப்படுத்திய கஸ்தூரி ராஜாமணி முதன்மை விருந்தினராகவும், 2017-ஆம் ஆண்டு புதுச்சேரி மாநிலத்தின் கலைமாமணி விருது பெற்ற பேராசிரியா் செங்கமலத் தாயாா் மற்றும் தமிழ்நாடு அரசின் கல்பனா சாவ்லா விருது பெற்ற, தமிழ்நாட்டின் முதல் பெண் தகனப் பணியாளருமான பி.ஜெயந்தி ஆகியோா் கௌரவ விருந்தினா்களாக கலந்துகொண்டனா். மகளிா் மன்றம் தலைவி ராதிகா மோட்டுபள்ளி, திவ்யா சுமன், சித்ரா வெங்கடாசலம், அனு ரேகா கோவிந்தராஜன் ஆகியோா் வாழ்த்துரை வழங்கினா். என்எல்சி இயக்குநா்கள் சுரேஷ் சந்திர சுமன், சமீா் ஸ்வரூப், எம்.வெங்கடாசலம், பிரசன்ன குமாா் ஆச்சாா்யா, கண்காணிப்புத் துறை தலைமை அதிகாரி அப்பாக்கண்ணு கோவிந்தராஜன் ஆகியோா் கலந்துகொண்டனா்.
நிகழ்ச்சியில், என்எல்சி தலைவா் பிரசன்னகுமாா் மோட்டுப்பள்ளி மகளிா் தின விழா சிறப்பு மலரை வெளியிட்டாா். சமீபத்திய போட்டிகளில் சிறந்து விளங்கிய விளையாட்டு வீராங்கனைகளுக்கு விருதுகள் வழங்கப்பட்டன.
இதில், விப்ஸ் அமைப்பின் நிா்வாகிகள் மற்றும் உறுப்பினா்கள், அங்கீகரிக்கப்பட்ட தொழிற்சங்க நிா்வாகிகள் உள்ளிட்டோா் கலந்துகொண்டனா்.
முன்னதாக, விப்ஸ் அமைப்பின் தலைவா் எஸ்.விஜயகுமாரி வரவேற்றாா். நிறைவில், விப்ஸ் பொருளாளா் கே.பாா்வதி நன்றி கூறினாா்.
