ரேஷன் காா்டு சரிபாா்ப்புக்கு மக்களை அலைக்கழிக்கக் கூடாது: புதுவை முதல்வரிடம் மாா்க்சிஸ்ட் வலியுறுத்தல்

ரேஷன் காா்டு சரிபாா்ப்பு பணிக்கு மக்களை அலைக்கழிக்கக் கூடாது என்று மாா்க்சிஸ்ட் கம்யூனிஸ்ட் கட்சி சாா்பில் மனு அளிக்கப்பட்டது.

மாா்க்சிஸ்ட் கம்யூனிஸ்ட் கட்சியின் புதுவை மாநில செயலா் எஸ். ராமச்சந்திரன், செயற்குழு உறுப்பினா்கள் ராஜாங்கம், பிரபுராஜ் மற்றும் சிஐடியு நிா்வாகி மணிகண்டன் ஆகியோா் முதல்வா் ரங்கசாமியை சந்தித்து மனு அளித்தனா்.

அந்த மனுவில் கூறியிருப்பதாவது:

ரேஷன் காா்டு சரிபாா்ப்பிற்கான அடிப்படை கட்டமைப்புகளை ஏற்படுத்தாமல், ரேஷன் அட்டைதாரா்களை கைரேகை பதிவு மற்றும் ஆதாா் எண் சரிபாா்ப்புக்காக பொது சேவை மையங்களுக்கு அலைக்கழிப்பது ஏற்றுக் கொள்ள முடியாது. பல மாநிலங்களில் ரேஷன் கடைகளிலேயே இந்தச் சரிபாா்ப்புப் பணிகள் மேற்கொள்ளப்படுகின்றன.

புதுவையில் மட்டும் மக்களைச் சிரமத்திற்கு உள்ளாக்குவது நியாயமற்றது. மக்களின் நேரத்தையும், உழைப்பையும் வீணடிக்கும் இந்த நடைமுறையை உடனடியாக நிறுத்த வேண்டும்.

ஆன்லைன் அல்லது ஆப்லைன் மூலம் வீட்டிலிருந்தே சரிபாா்க்கும் வசதி, வீடு வீடாகச் சென்று சரிபாா்ப்பதை உறுதி செய்தல், ரேஷன் கடைகளிலேயே சரிபாா்ப்பு பணிகளை மேற்கொள்ள வேண்டும்.

வயதான முதியோா்கள், உடல்நலம் குன்றியவா்கள், துணைக்கு ஆள் இல்லாத வயதான பெண்கள் சிரமங்களை அரசு பரிசீலித்து மாற்று ஏற்பாடுகளைச் செய்ய வேண்டும் என்று மனுவில் குறிப்பிட்டிருந்தனா். இதையடுத்து, முதல்வா் உடனடியாக மாவட்ட ஆட்சியரைத் தொடா்புகொண்டு, இப் பிரச்னைக்குத் தீா்வு காணவும், தேவையான நடவடிக்கைகளை எடுக்கவும் அறிவுறுத்தினாா்.