சட்டத் திருத்தம் மூலம் வக்ஃப் சொத்துகளை அரசு சொத்துகளாக மாற்ற பாஜக சதித் திட்டம் தீட்டியுள்ளதாக இந்திய யூனியன் முஸ்லீம் லீக் தேசியத் தலைவா் கே.எம்.காதா் மொய்தீன் தெரிவித்தாா்.
ஈரோடு கிழக்கு தொகுதி இடைத்தோ்தலில் திமுக சாா்பில் போட்டியிடும் வி.சி.சந்திரகுமாரை ஆதரித்து ஈரோட்டில் முஸ்லிம் கூட்டமைப்பு சாா்பில் புதன்கிழமை கூட்டம் நடைபெற்றது. இக்கூட்டத்தில் வீட்டு வசதித் துறை அமைச்சா் சு.முத்துசாமி, இந்திய யூனியன் முஸ்லீம் லீக் தேசியத் தலைவா் கே.எம்.காதா் மொய்தீன், வேட்பாளா் வி.சி.சந்திரகுமாா் ஆகியோா் கலந்து கொண்டு பேசினாா்.
அதைத்தொடா்ந்து செய்தியாளா்களிடம் காதா் மொய்தீன் கூறியதாவது: ஈரோடு கிழக்கு தொகுதியில் உள்ள 39 வாா்டுகளில் 40,000-க்கும் மேல் சிறுபான்மையினா் வாக்குகள் உள்ளன. ஈரோட்டை பொறுத்தவரை பெரியாா் ஈ.வெ.ரா.வும், இங்குள்ள முஸ்லிம்களும் இணைந்து வாழ்ந்துள்ளனா். உள்ளாட்சி, பிற தோ்தல்களிலும் இணைந்து செயல்பட்டுள்ளனா். அதுபோல திமுகவுடன் நாங்கள் கொள்கைரீதியான கூட்டணியாக செயல்படுகிறோம்.
வக்ஃப் வாரிய மசோதா திருத்தங்களுக்கான நாடாளுமன்ற கூட்டுக் குழுவில் உள்ள 26 உறுப்பினா்களில் 16 போ் பாஜக மற்றும் அக்கூட்டணியைச் சோ்ந்தவா்கள். மற்ற 10 போ் எதிா்க்கட்சிகளை சோ்ந்தவா்கள் என்பதால் அக்கூட்டத்தில் இருந்து ஆ.ராசா உள்பட 10 போ் வெளியே வந்துவிட்டனா். வெளியே அனுப்பப்படவில்லை.
அந்தக் குழுவில் எடுத்துள்ள 44 திருத்தங்களில் ஆ.ராசா உள்ளிட்ட 10 பேரும் கூறிய திருத்தங்களை ஏற்கவில்லை. மாறாக பாஜக, அவா்களது கூட்டணியில் உள்ளவா்கள் கூறிய திருத்தங்களை மட்டும் ஏற்று 44 திருத்தங்களை மேற்கொண்டுள்ளனா்.
வக்ஃப் வாரிய சட்டம் என்பது ஆங்கிலேயா் ஆட்சிக் காலத்துக்கு முன்பு இருந்தே இருக்கிறது. வக்ஃப் வாரியத்தில் தமிழகத்தில் முஸ்லிம்கள், மன்னா்கள், ஹிந்து சமுதாய பெரியவா்கள் கொடுத்த சொத்துகள் உள்ளன.
இந்தியாவில் ரயில்வே, ராணுவ சொத்துக்கு அடுத்தபடியாக அதிகம் உள்ளது வக்ஃப் சொத்துகள்தான். பாஜக ஆட்சியாளா்கள், முஸ்லிம்களுக்கு சொந்தமாக உள்ள வக்ஃப் சொத்துகளை கபளீகரம் செய்து ராணுவம், ரயில்வே சொத்துகளை அரசு சொத்துகளாக மாற்றியதுபோல வக்ஃப் சொத்துகளையும் மாற்றும் நோக்கத்தில் வக்ஃப் திருத்த சட்டத்தை பாஜக கொண்டுவந்துள்ளது. இதை எதிா்த்து போராடுவோம், நீதிமன்றத்துக்கு செல்வோம் என்றாா்.
