இந்த வாரத்தின் இறுதி வா்த்தக தினமான வெள்ளிக்கிழமையும் பங்குச்சந்தையில் காளையின் ஆதிக்கம் தொடா்ந்தது. இதைத் தொடா்ந்து, மும்பை பங்குச்சந்தைக் குறியீட்டு எண்ணான சென்செக்ஸ், தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டும் நல்ல லாபத்துடன் முடிவடைந்தன.
உலகளாவிய சந்தைக் குறிப்புகள் கலவையாக இருந்தன. இதைத் தொடா்ந்து, எச்சரிக்கையுடன் தொடங்கிய உள்நாட்டுச் சந்தை, பின்னா் சற்று கீழே சென்றது. இந்நிலையில், மத்திய ரிசா்வ் வங்கி எதிா்பாா்த்ததை விட 0.50 சதவீதம் வட்டி விகிதக் குறைப்பை அறிவித்தது. மேலும், பணப்புழக்கம் மற்றும் பொருளாதாரத்தை ஆதரிக்க வங்கிகளுக்கு ரொக்க இருப்பு விகிதத்தை குறைத்தும் அறிவித்தது. இதன் தாக்கத்தால் பங்குச்சந்தையில் காளை எழுச்சி பெற்றது. குறிப்பாக, வங்கி, ரியல் எஸ்டேட், ஆட்டோ பங்குகளுக்கு நல்ல வரவேற்பு இருந்தது. இதனால், பங்குச்சந்தை மூன்றாவது நாளாக நோ்மறையாக முடிந்தது என்று பங்கு வா்த்தகத் தரகு நிறுவனங்கள் தெரிவித்தன.
சந்தை மதிப்பு: மும்பை பங்குச்சந்தையில் சந்தை மூலதன மதிப்பு ரூ.3.62 லட்சம் கோடி உயா்ந்து வா்த்தக முடிவில் ரூ.451.13 லட்சம் கோடியாக இருந்தது. அந்நிய நிறுவன முதலீட்டாளா்கள் வியாழக்கிழமை ரூ.208.47 கோடிக் பங்குகளை விற்றிருந்த நிலையில், உள்நாட்டு நிறுவனங்கள் ரூ.2,382.40 கோடிக்கு பங்குகளை வாங்கியிருந்தது சந்தை புள்ளிவிவரத் தகவல்களின் மூலம் தெரியவந்தது.+
சென்செக்ஸ் மேலும் முன்னேற்றம்: சென்செக்ஸ் காலையில் பெரிய அளவில் மாற்றமின்றி 81,434.24 தொடங்கி 81,140.11 வரை கீழே சென்றது. பின்னா், அதிகபட்சமாக 82,299.89 வரை மேலே சென்ற சென்செக்ஸ், இறுதியில் 746.95 புள்ளிகள் (0.92 சதவீதம்) கூடுதலுடன் 82,188.99-இல் நிறைவடைந்தது. மும்பை பங்குச்சந்தையில் மொத்தம் வா்த்தகமான 4,156 பங்குகளில் 2,278 பங்குகள் விலையுயா்ந்த பட்டியலிலும் 1,744 பங்குகள் விலை குறைந்த பட்டியலிலும் இருந்தன. 134 பங்குகள் விலையில் மாற்றமின்றி நிலைபெற்றன.
28 பங்குகள் விலை உயா்வு: சென்செக்ஸ் பட்டியலில் பஜாஜ்ஃபைனான்ஸ், ஆக்ஸிஸ் பேங்க், மாருதி, இண்டஸ் இண்ட் பேங்க், பஜாஜ்ஃபின்சா்வ், எடா்னல் ஆகியவை 2 முதல் 5 சதவீதம் வரை உயா்ந்தன. இவற்றையும் சோ்த்து மொத்தம் 28 பங்குகள் ஆதாயப் பட்டியலில் இருந்தன. அதேசமயம், பாா்தி ஏா்டெல், சன்பாா்மா ஆகிய இரண்டு மட்டும் சிறிதளவு குறைந்து வீழ்ச்சிப் பட்டியலில் இருந்தன.
நிஃப்டி புள்ளிகள் உயா்வு: தேசிய பங்குச்சந்தையில் நிஃப்டி வா்த்தக இறுதியில் 252.15 புள்ளிகள் (1.02 சதவீதம்) உயா்ந்து 25,003.05-இல் நிறைவடைந்தது. நிஃப்டி பட்டியலில் 46 பங்குகள் விலை உயா்ந்த பட்டியலிலும், 4 பங்குகள் விலை குறைந்த பட்டியலிலும் இருந்தன. பேங்க் நிஃப்டி 817.55 புள்ளிகள் (1.47 சதவீதம்) உயா்ந்து 56,578.40-இல் நிறைவடைந்தது.
