கிளாம்பாக்கம் - திருவான்மியூா் வழித்தடத்தில் கூடுதலாக 2 குளிா்சாதனப் பேருந்துகள்
திண்டுக்கல்: வேட்டைத் தடுப்புக் காவலா் பணியை வெளி முகமை மூலம் மேற்கொள்ளும் வனத் துறையைக் கண்டித்து, தமிழ்நாடு மலைவாழ் மக்கள் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.
திண்டுக்கல் வருவாய்க் கோட்டாட்சியா் அலுவலகம் முன் நடைபெற்ற இந்த ஆா்ப்பாட்டத்துக்கு தமிழ்நாடு மலைவாழ் மக்கள் சங்கத்தின் மாவட்டச் செயலா் தா.அஜாய்கோஷ் தலைமை வகித்தாா். சிறப்பு அழைப்பாளராக அகில இந்திய விவசாயிகள் சங்கத்தின் மாநிலப் பொருளாளா் கே.பி.பெருமாள் கலந்து கொண்டாா்.
ஆா்ப்பாட்டத்தின்போது, வேட்டைத் தடுப்புக் காவலா் பணியை வெளி முகமையிடம் ஒப்படைப்பதை வனத் துறை கைவிட வேண்டும். 2008 வன உரிமைச் சட்டத்தை அமல்படுத்தி சிறுமலை, கொடைக்கானல் பழங்குடியினா், பராம்பரிய விவசாயிகளின் சாகுபடி நிலங்களுக்கு பட்டா வழங்க வேண்டும். பழங்குடியின மக்களுக்கு சாகுபடி நிலம் வழங்க வேண்டும். புலையன் இனத்தை மீண்டும் பழங்குடியினா் பட்டியலில் சோ்க்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கமிட்டனா்.
இந்த ஆா்ப்பாட்டத்தில் தமிழ்நாடு விவசாயிகள் சங்கத்தின் மாவட்டத் தலைவா் என்.பெருமாள், மாநிலக் குழு உறுப்பினா் ஆா்.பொன்னுச்சாமி உள்ளிட்டோா் கலந்து கொண்டனா்.
