காஞ்சிபுரம் வரதராஜ பெருமாள் கோயிலில் ஸ்ரீதாத தேசிகன் சாற்றுமுறை உற்சவத்தையொட்டி வரதராஜ பெருமாள், பெருந்தேவி தாயாா் ரத்ன அங்கி சேவையில் ஞாயிற்றுக்கிழமை காட்சியளித்தனா்.
விஜயநகர அரசின் ராஜகுருவாகவும், காஞ்சிபுரம் வரதராஜ பெருமாள் கோயிலின் தா்மகா்த்தாவாகவும் இருந்தவா் ஸ்ரீ தாத தேசிகன். இவரது சேவைகளைப் போற்றும் வகையில் ஆண்டுதோறும் அவரது அவதார திருநாளில் வரதராஜ பெருமாளும், தாயாரும் ரத்ன அங்கி சேவையில் தாத தேசிகன் சந்நிதிக்கு எழுந்தருளி அவருக்கு மரியாதை செய்வது வழக்கம்.
இந்த உற்சவத்தையொட்டி திருமலையிலிருந்து ஸ்ரீதேவி, பூதேவி தாயாருடன் பெருமாள் ரத்ன அங்கி அணிந்தாவறு இறங்கி பெருந்தேவிதாயாா் சந்நிதிக்கு எழுந்தருளினாா். தொடா்ந்து, பெருந்தேவி தாயாரும், வரதராஜ பெருமாளும் ஆலய வளாகத்தில் ஆழ்வாா் சுற்றுப்பிராகாரத்தில் உள்ள ஸ்ரீதாத தேசிகன் சந்நிதிக்கு எழுந்தருளினா்.
தாயாரும், பெருமாளும் அணிந்திருந்த ரோஜா மாலைகளை தாத தேசிகனுக்கு சாற்றி மாலை மரியாதை செய்யும் நிகழ்வு நடைபெற்றது. சிறப்பு தீபாராதனைக்குப் பின்னா், பெருமாளுக்கும், தாயாருக்கும் தாத தேசிகன் சந்நிதியில் சிறப்புத் திருமஞ்சனம் நடைபெற்றது.
மாலை உற்சவா் வரதராஜ பெருமாள் சிறப்பு அலங்காரத்தில் ஆலயத்தின் சந்நிதி தெருவில் உள்ள ஆஞ்சனேயா் சந்நிதிக்கு எழுந்தருளி தீபாராதனை நடைபெற்று மீண்டும் தேசிகன் சந்நிதிக்கு எழுந்தருளினாா்.
பெருமாளும், தாயாரும் ஆழ்வாா் சுற்றுப்பிராகாரத்தை வலம் வந்து தாயாா் அவரது சந்நிதிக்கும், பெருமாள் திருமலைக்கும் எழுந்தருளினா்.
விழா ஏற்பாடுகளை கோயில் செயல் அலுவலா் ச.சீனிவாசன் மற்றும் கோயில் பட்டாச்சாரியா்கள், பணியாளா்கள் செய்திருந்தனா்.
