வரிகளை குறைக்க வணிகா்கள் கோரிக்கை

வணிகா்களின் நலன் கருதி, வரிகளை குறைத்தோ அல்லது ரத்து செய்தோ அறிவிக்க வேண்டும் எனக் கோரிக்கை விடுக்கப்பட்டுள்ளது.

திருவாரூரில், நகராட்சி நிா்வாகத் துறை அமைச்சா் கே.என். நேருவிடம், மன்னாா்குடி வா்த்தக சங்கத் தலைவா் ஆா்.வி. ஆனந்த் வியாழக்கிழமை அளித்த கோரிக்கை மனு: வா்த்தகா்கள் ஏற்கெனவே இணையவழி வா்த்தகம் மற்றும் பன்னாட்டு நிறுவனங்களால் பாதிக்கப்பட்டுள்ளோம். இந்த சூழலிலும், சொத்து வரி, தொழில் வரி, உணவு பாதுகாப்பு உரிமம் என பலவகையான வரிகளையும் செலுத்தி வருகிறோம்.

தற்போது, தொழில் உரிமக் கட்டணம் என புதியதாக தொகை நிா்ணயிக்கப்பட்டுள்ளது. இதை நீக்கியோ அல்லது குறைத்தோ அறிவிக்க வேண்டும். மேலும், அளவுக்கு அதிகமாக உள்ள குப்பைவரி மற்றும் ஆண்டுக்கு ஒரு முறை சொத்து வரி 6 சதவீதம் உயா்வு ஆகியவற்றையும் குறைத்தோ அல்லது ரத்து செய்தோ அறிவிக்க வேண்டும்.

இதுகுறித்து தொழில்துறை அமைச்சா் டிஆா்பி. ராஜா, சட்டப்பேரவை உறுப்பினா் பூண்டி கே. கலைவாணன் ஆகியோா் மூலமாக ஏற்கெனவே தங்களின் கவனத்துக்கு கொண்டு வந்தோம்.

தமிழக அரசு, வணிகா்களுக்கு பல்வேறு சலுகைகள் அளித்து, வணிகா்களுக்கான அரசாக திகழ்கிறது. மீண்டும் அதை உறுதி செய்யும் வகையில், வரிகளை ரத்து செய்தோ, குறைத்தோ அறிவிப்பு வெளியிட வேண்டும் என அந்த மனுவில் கோரிக்கை விடுக்கப்பட்டுள்ளது.