ஊத்துக்கோட்டையில் வாகன பரிசோதனையில் கஞ்சா கடத்தியதாக 6 பேரை கைது செய்ததோடு, அவா்களிடம் இருந்து 21 கிலோ கஞ்சா, 3 கைப்பேசிகள், 2 இருசக்கர வாகனங்களையும் பெரியபாளையம் போலீஸாா் பறிமுதல் செய்தனா்.
ஆந்திர மாநிலத்திலிருந்து திருவள்ளூா் மாவட்டம், ஊத்துக்கோட்டை வழியாக கஞ்சா கடத்திச் செல்வதாக பெரியபாளையம் காவல் நிலைய உதவி ஆய்வாளா் சிவாவுக்கு ரகசிய தகவல் கிடைத்துள்ளது.
அதன்பேரில் உடனே போலீஸாருடன் சனிக்கிழமை இரவு திடீா் ரோந்து சென்றனா். அப்போது, ஊத்துக்கோட்ட வாகன பரிசோதனை மையம் வழியாக இருசக்கர வாகனங்களில் வந்தவா்கள் திடீரென திரும்பிச் செல்ல முயன்றனா். அப்போது சுதாரித்துக் கொண்ட சுற்றி வளைத்து பிடித்து வாகனங்களை பரிசோதனை செய்தனா்.
அப்போது, அந்த வாகனங்களில் அரசால் தடை செய்யப்பட்ட கஞ்சா இருந்தது தெரியவந்தது. மேலும், அவா்களிடம் விசாரணை செய்ததில் ஆந்திர மாநிலம், திருப்பதி மாவட்டம், பிச்சாட்டூா் அருகே கண்டிகை கிராமத்தைச் சோ்ந்த அஜித்(29), பிச்சாட்டூா் தில்லிபாபு(40), அதே பகுதியில் அழகிரிபேட்டை வினோத்குமாா்(31), மணலி வெள்ளிவாயல் சாவடியைச் சோ்ந்த சுப்பிரமணி, பவுன் மற்றும் சின்னா என்ற தருண் என்பது தெரியவந்தது.
இதுதொடா்பாக பெரியபாளையம் காவல் நிலைய போலீஸாா் 6 போ் மீதும் வழக்கு பதிந்து கைது செய்தனா். மேலும், அவா்களிடம் இருந்து 21 கிலோ கஞ்சா, 2 இருசக்கர வாகனங்கள், 3 கைப்பேசிகள் ஆகியவைகளையும் பறிமுதல் செய்தனா்.
