செய்திகள் :

வாகனத் தணிக்கையின் போது எஸ்.எஸ்.ஐ. மீது காரை மோதி கொல்ல முயற்சி: புகையிலைப் பொருள்கள் கடத்திய மூவா் கைது

post image

சேலம் மாவட்டம், மேச்சேரி அருகே செவ்வாய்க்கிழமை வாகனத் தணிக்கையில் ஈடுபட்டிருந்த சிறப்பு காவல் உதவி ஆய்வாளா் மீது காரை ஏற்றி கொலை செய்ய முயற்சித்ததாக 3 போ் கைது செய்யப்பட்டனா். அவா்களிடமிருந்து தடை செய்யப்பட்ட புகையிலைப் பொருள்கள் பறிமுதல் செய்யப்பட்டன.

மேச்சேரி காவல் நிலையத்தில் சிறப்பு உதவி ஆய்வாளராக உள்ள கோவிந்தராஜ் (54) செவ்வாய்க்கிழமை மாலை தொப்பூா்- மேச்சேரி சாலையில் தொத்திகிரிபட்டியில் போலீஸாருடன் வாகனத் தணிக்கையில் ஈடுபட்டாா். அப்போது, அந்த வழியாக வேகமாக வந்த காரை நிறுத்த சமிக்ஞை செய்தாா்.

ஆனால், காா் நிற்காமல் கோவிந்தராஜ் மீது மோதிவிட்டு வேகமாக சென்றது. மேலும், அந்த காரை தொடா்ந்து மற்றொரு காரும் வேகமாக சென்றது. இதுகுறித்து மேச்சேரி காவல் நிலையத்துக்கு தகவல் தெரிவிக்கப்பட்டது. இதையடுத்து, அந்த காரை போலீஸாா் துரத்திச் சென்று நிறுத்தினா். மேலும், மற்றொரு காரையும் சுற்றிவளைத்து பிடித்தனா்.

விசாரணையில் இவா்கள் ராஜஸ்தான் மாநிலம், ஜாலூரைச் சோ்ந்த தேஜாராம் (33), தேவாராம் (23) மேச்சேரி அமரத்தானூரை சோ்ந்த சாமிநாதன் (35) என்பது தெரிய வந்தது. இவா்கள் மூவரையும் கைது செய்த மேச்சேரி போலீஸாா் அவா்களது காா்களை சோதனை செய்தனா்.

அதில் ரூ. 3.5 லட்சம் மதிப்பிலான 500 கிலோ போதைப்பாக்கு, புகையிலைப் பொருள்கள் பதுக்கிவைத்திருந்தது கண்டுபிடிக்கப்பட்டது. இதையடுத்து காா், புகையிலைப் பொருள்களை பறிமுதல் செய்து போலீஸாா் விசாரித்து வருகின்றனா்.

கைது செய்யப்பட்டவா்களில் தேஜராம், தேவாராம் ஆகிய இருவரும் ஏற்கெனவே போதைப்பாக்கு, புகையிலைப் பொருள்கள் கடத்திய வழக்கில் ஓமலூா் போலீஸாரால் கடந்த பிப்ரவரி மாதம் கைது செய்யப்பட்டவா்கள் என்பது தெரியவந்தது. ஜாமீனில் வெளியே வந்த இவா்கள் மீண்டும் புகையிலைப் பொருள்கள் கடத்தலில் ஈடுபட்டுள்ளனா். காா் மோதியதில் காயமடைந்த சிறப்பு உதவி ஆய்வாளா் கோவிந்தராஜ் மேட்டூா் அரசு மருத்துவமனையில் அனுமதிக்கப்பட்டாா்.

அலைடு ஹெல்த் சயின்ஸ் கல்லூரிக்கு முன்னாள் மாணவா்கள் உதவி

அலைடு ஹெல்த் சயின்ஸ் கல்லூரியின் முன்னாள் மாணவா்கள் சங்கம் சாா்பில் கல்லூரிக்கு இருசக்கர வாகனமும், விம்ஸ் மருத்துவமனைக்கு எக்கோ இயந்திரமும் அண்மையில் நன்கொடையாக வழங்கப்பட்டன. சேலம் விநாயகா மிஷனின் விம... மேலும் பார்க்க

பெரியாா் பல்கலை. வகுப்பறைகளில் பிராணவாயுச் செடிகள் பராமரிப்பு

பெரியாா் பல்கலைக்கழக வகுப்பறைகளில் பிராணவாயுச் செடிகளை வைத்து பராமரிக்கும் பணிகளை பல்கலைக்கழக பதிவாளா் வி.ராஜ் வியாழக்கிழமை தொடங்கிவைத்தாா். பெரியாா் பல்கலைக்கழக நாட்டு நலப்பணித் திட்டம் சாா்பில், கால... மேலும் பார்க்க

சங்ககிரியில் உடல் எடை குறைப்பு நிபுணா் கொலை வழக்கில் தாய், மகன் கைது

சங்ககிரியில் உடல் எடை குறைப்பு நிபுணா் கொலை வழக்கில் தேடப்பட்டு வந்த அவரது மனைவி, மகன் இருவரும் சங்ககிரி கிராம நிா்வாக அலுவலா் முன் வியாழக்கிழமை சரணடைந்தனா்; அவா்களை தனிப்படை போலீஸாா் கைது செய்தனா். ச... மேலும் பார்க்க

நீட் தோ்வு பயத்தில் மாணவி விஷம் குடித்து தற்கொலை

சேலம் மாவட்டம், எடப்பாடி அருகே நீட் தோ்வுக்கு பயிற்சி பெற்று வந்த மாணவி தோ்வில் தோல்வி அடைந்துவிடுவோமோ என்ற பயத்தில் விஷம் குடித்து தற்கொலை செய்துகொண்டாா். எடப்பாடி ஒன்றியம், புதுப்பாளையம் கிராமம், ... மேலும் பார்க்க

கன்னந்தேரி அரசுப் பள்ளியில் சுற்றுச்சூழல் விழிப்புணா்வு நிகழ்ச்சி

கன்னந்தேரி அரசு உயா்நிலைப் பள்ளியில் தேசிய பசுமை படையும், ஈரோடு தனியாா் வேளாண் கல்லூரி மாணவிகளும் இணைந்து நடத்திய சுற்றுச்சூழல் விழிப்புணா்வு நிகழ்ச்சி பள்ளி வளாகத்தில் வியாழக்கிழமை நடைபெற்றது. பள்ளிய... மேலும் பார்க்க

நல்லங்கியூா் முத்துமாரியம்மன் கோயிலில் குண்டம் இறங்கிய பக்தா்கள்

கோனேரிப்பட்டியை அடுத்த நல்லங்கியூரில் உள்ள முத்துமாரியம்மன் கோயில் பொங்கல் விழாவையொட்டி வியாழக்கிழமை பக்தா்கள் குண்டம் இறங்கும் நிகழ்ச்சி நடைபெற்றது. இக்கோயில் பொங்கல் விழா மாா்ச் 21 ஆம் தேதி பூச்சொறி... மேலும் பார்க்க