``விசிக, காங்கிரஸ் கட்சிக்கு ராமதாஸ் மீது திடீர் பாசம் ஏன்?'' - பாமக அன்புமணி கேள்வி!

 ராமதாஸ் - அன்புமணி மோதல் விவகாரம் முடிவுறாத கதையாக நீண்டுகொண்டிருக்கிறது.

இதற்கிடையே ராமதாஸ் யூட்யூப் சேனல் ஒன்றுக்கு அளித்த பேட்டியில் திருமாவளவன் திருமணம் செய்து கொள்ளாமல் இருப்பது பிடிக்கவில்லை என்றும் கூறி, திருமாவைப் பாராட்டியும் பேசியிருந்தார். இதற்காக விசிக எம்பி ரவிக்குமார், ராமதாஸ்-க்கு நன்றி கூறி இருந்தார்.

திருமாவும் இதுகுறித்து விகடனுக்கு அளித்த பேட்டியில், "ஆரம்ப காலகட்டத்திலிருந்தே ராமதாஸ் அவர்கள் என் மீது பாசம் கொண்டவர்தான். என் மீதான அவரது அக்கறை உண்மையானதுதான்" என்று கூறியிருந்தார்.

இதையடுத்து தமிழக காங்கிரஸ் தலைவர் செல்வப்பெருந்தகை திடீரென தைலாபுரம் தோட்டத்திற்குச் சென்று பாமக நிறுவனர் ராமதாஸை சந்தித்தார். இது கூட்டணி பற்றிய சர்ச்சைகளைக் கிளப்பி வருகிறது.

மேலும், பா.ஜ.க. கூட்டணிக்காக அன்புமணியும், சௌமியா அன்புமணியும் தன்னிடம் கெஞ்சியதாக ராமதாஸ் கூறியது இன்னும் இந்தச் சர்ச்சையை வெடிக்க வைத்திருக்கிறது.

இந்நிலையில் இன்று நடைபெற்ற பாமக சமூக ஊடக பிரிவு ஆலோசனை கூட்டத்தில் இந்த சர்ச்சைகள் குறித்துப் பேசியிருக்கும் அன்புமணி, "வன்னி அரசு, ரவிக்குமார், சிந்தனைச்செல்வனுக்கு ராமதாஸ் மீது ஏன் அன்பு ஏற்பட்டுள்ளது? எப்போதாவது ராமதாஸை திருமாவளவன் புகழ்ந்து பேசி இருப்பாரா? இப்போது புகழ்வது ஏன்? செல்வப்பெருந்தகை திடீரென ராமதாஸை சந்திப்பது ஏன்? இதுதான் திமுகவின் சூழ்ச்சி." என்று பேசியிருக்கிறார்.

2024 பாஜக கூட்டணி சர்ச்சை குறித்து அன்புமணி "அய்யா ராமதாஸ் அவர்கள் சொல்லித்தான் 2024ல் பாஜகவுடன் கூட்டணி வைத்தேன். அப்போதே சொல்லி இருந்தால் வேண்டாம் என சொல்லியிருப்பேன். அதிமுகவுடன்தான் கூட்டணி வைக்க வேண்டும் என்று சொல்லியிருந்தால் நான் ஏன் வேண்டாம் என்று சொல்லப்போகிறேன்" என்று விளக்கமளித்திருக்கிறார்.

ராமதாஸ் குழந்தை போல மாறிவிட்டார்

மேலும், "கடந்த 5 ஆண்டுகளாகவே பாமக நிறுவனர் ராமதாஸ் அவராகவே இல்லை. ராமதாஸாக இருந்து எது கூறியிருந்தாலும் கண்களை மூடிக்கொண்டு செய்திருப்பேன். 3 பேர் தங்களது சுய லாபத்துக்காக ராமதாஸை பயன்படுத்தி கொள்கிறார்கள்.

ராமதாஸுக்கு பிறகு நான் தலைவராக வேண்டும் என அப்போதே முடிவெடுத்துவிட்டேன். 12 ஆண்டுகளுக்கு முன்பு என்னை பாமகவின் தலைவராக இருக்குமாறு ராமதாஸ் கூறினார்.

அய்யா ராமதாஸ் அவர்கள் வயது முதிர்வால் ஒரு குழந்தை போல மாறிவிட்டார். அவரை யாரும் விமர்சிக்க வேண்டாம்" என்று அன்புமணி பேசியிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும் https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs