ராஜேந்திர பாலாஜிக்கு எதிரான மோசடி வழக்கு: சிபிஐ.யிடம் ஒப்படைக்க உத்தரவு
விருதுநகா் அருகே சனிக்கிழமை பட்டாசு ஆலையில் நிகழ்ந்த வெடி விபத்தில் 6 போ் உயிரிழந்தனா். பலத்த காயமடைந்த ஒருவா் மதுரை அரசு மருத்துவமனையில் அனுமதிக்கப்பட்டாா்.
விருதுநகா் அருகேயுள்ள வீராா்பட்டி ஊராட்சிக்கு உள்பட்ட பொம்மையாபுரத்தில் சிவகாசியைச் சோ்ந்த பாலாஜி என்பவா் பட்டாசு ஆலை நடத்தி வந்தாா். நாகபுரி உரிமம் பெற்ற இந்தப் பட்டாசு ஆலையில் பட்டாசுகள் தயாரிக்க 85 அறைகளில் பயன்படுத்தப்பட்டு வந்தன.
இந்த ஆலையை சிவகாசியைச் சோ்ந்த வனிதா பட்டாசு ஆலை உரிமையாளா் சசிபாலனுக்கு பாலாஜி அண்மையில் விற்பனை செய்தாா். ஆனால், இதுவரை இந்தப் பட்டாசு ஆலையின் பெயா் மாற்றம் செய்யப்படவில்லை எனக் கூறப்படுகிறது. இந்த ஆலையில் வழக்கம் போல பட்டாசுகள் தயாரிக்கும் பணி சனிக்கிழமை நடைபெற்றது.
சுமாா் 200-க்கும் மேற்பட்ட தொழிலாளா்கள் பணியில் ஈடுபட்டிருந்தனா். ஆலையில் உள்ள அறை எண் 80- இல் காலை 9 மணிக்கு பட்டாசுகள் தயாரிக்கத் தேவையான மூலப்பொருளான மணிமருந்து கலவை தயாரிக்கும் பணியில் தொழிலாளா்கள் ஈடுபட்டனா். அப்போது, மணிமருந்து கலவையில் ஏற்பட்ட உராய்வு காரணமாக வெடி விபத்து நிகழ்ந்தது. இதில் அந்த அறை முழுவதும் இடிந்து தரைமட்டமானது.
இதையடுத்து, இதர அறைகளில் பணியாற்றிக் கொண்டிருந்த தொழிலாளா்கள் உடனடியாக ஆலையை விட்டு வெளியேறினா். தகவல் அறிந்து விருதுநகா், சாத்தூரிலிருந்து வந்த தீயணைப்புப் படை வீரா்கள் தீயை அணைத்தனா். பின்னா், இவா்கள் மாவட்ட தீயணைப்புத் துறை அலுவலா் சந்திரகுமாா் தலைமையில், கட்டட இடிபாடுகளில் சிக்கி உயிரிழந்த 6 தொழிலாளா்களின் உடல்களை மீட்டனா்.
உயிரிழந்த தொழிலாளா்களின் விவரம்:
இந்த வெடி விபத்தில் உயிரிழந்தவா்கள் அருப்புக்கோட்டை குருந்தமடத்தைச் சோ்ந்த கோபால் மகன் வேல்முருகன் (54), அதே பகுதியைச் சோ்ந்த சுப்பு மகன் காமராஜ் (54), பொம்மையாபுரத்தைச் சோ்ந்த ராமசாமி மகன் கண்ணன் (53), அருப்புக்கோட்டையைச் சோ்ந்த சக்திவேல் மகன் மீனாட்சி சுந்தரம் (46), செட்டிக்குறிச்சியைச் சோ்ந்த ராஜாமணி மகன் நாகராஜ் (37), அருப்புக்கோட்டை பாளையம்பட்டியைச் சோ்ந்த சிவசுப்பிரமணியம் மகன் சிவக்குமாா் (54)ஆகியோா் என்பது தெரியவந்தது. பலத்த காயமடைந்த ஆவுடையாபுரத்தைச் சோ்ந்த முகமது சுதீன் (21) முதலுதவிக்குப் பிறகு, மதுரை அரசு ராஜாஜி மருத்துவமனையில் அனுமதிக்கப்பட்டாா்.
7 போ் மீது வழக்கு:
இந்த விபத்து தொடா்பாக கோட்டையூா் கிராம நிா்வாக அலுவலா் அளித்த புகாரின் பேரில், சிவகாசி ஆலமரத்துபட்டியைச் சோ்ந்த பாலாஜி, சிவகாசியைச் சோ்ந்த சசிபாலன், பங்குதாரா் நிரஞ்சனா தேவி, ஆலை கண்காணிப்பாளா்கள் கணேசன், பிரகாஷ், பாண்டியராஜ், மேற்பாா்வையாளா் சதீஷ்குமாா் ஆகிய 7 போ் மீது வச்சகாரபட்டி போலீஸாா் வழக்குப் பதிந்து விசாரணை நடத்தி வருகின்றனா்.
ஆலை உரிமம் ரத்து: 6 தொழிலாளா்கள் உயிரிழந்ததையடுத்து, இந்தப் பட்டாசு ஆலையின் உரிமத்தை தற்காலிகமாக ரத்து செய்து மாவட்ட வருவாய் அலுவலா் ராஜேந்திரன் உத்தரவிட்டாா்.
விருதுநகா் அரசு மருத்துவக் கல்லூரி மருத்துவமனையில் வைக்கப்பட்டிருந்த உயிரிழந்த தொழிலாளா்களின் உடல்களை மாவட்ட ஆட்சியா் ஜெயசீலன் பாா்வையிட்டு, தொழிலாளா்களின் குடும்பத்தினருக்கு ஆறுதல் கூறினாா்.
பின்னா், அவா் செய்தியாளா்களிடம் கூறியதாவது:
முறையான பயிற்சி பெற்றவா்களை மட்டுமே பட்டாசு ஆலையில் பணியமா்த்த வேண்டும். ஆனால், இந்த ஆலையில் பயிற்சி இல்லாதவா்களை பணியில் ஈடுபடுத்தியதாகக் கூறப்படுகிறது. எனவே, இதுகுறித்து உரிய விசாரணை நடத்தி நடவடிக்கை எடுக்கப்படும் என்றாா் அவா்.
முன்னதாக, வெடி விபத்து நிகழ்ந்த பட்டாசு ஆலையை விருதுநகா் மாவட்ட காவல் கண்காணிப்பாளா் (பொறுப்பு) அரவிந்த் நேரில் பாா்வையிட்டு ஆய்வு செய்தாா்.
இந்த ஆண்டின் முதல் துக்க நிகழ்வு:
சென்னைக்கு செல்வதற்காக மதுரை விமான நிலையத்துக்கு சனிக்கிழமை வந்த மாநில வருவாய்த் துறை அமைச்சா் கே.கே.எஸ்.எஸ்.ஆா். ராமச்சந்திரன் செய்தியாளா்களிடம் கூறியதாவது:
பொம்மையாபுரம் பட்டாசு ஆலை வெடி விபத்தில் உயிரிழந்தவா்களின் குடும்பத்தினருக்கு அரசு சாா்பில் நிவாரணத் தொகை அறிவிக்கப்பட்டுள்ளது. மேலும், சம்பந்தப்பட்ட ஆலையின் உரிமையாளரிடம் பேசி பாதிக்கப்பட்டவா்களின் குடும்பத்தினருக்கு அதிகாரபூா்வமாக இல்லாமல் தனிப்பட்ட முறையில் நிவாரணம் பெற்றுத் தரப்படும்.
வெடி மருந்துகளைக் கலக்கும் போது இது போன்ற சம்பவங்கள் நிகழ்கின்றன. இத்தகைய சம்பவங்களைத் தடுக்க முன்னெச்சரிக்கை நடவடிக்கைகளை மேற்கொண்டாலும் ஒரு சில இடங்களில் விபத்து ஏற்படுகிறது. நிகழாண்டில் முதல் துக்க நிகழ்வாக இது அமைந்துள்ளது. வருங்காலங்களில் இதுபோன்ற சம்பவங்கள் நிகழாமல் தடுக்கத் தேவையான பணிகளை மேற்கொள்ள முதல்வா் மு.க.ஸ்டாலின் அறிவுறுத்தி உள்ளாா் என்றாா் அவா்.
