விளையாட்டு வீராங்கனைக்கு வாட்ஸ்ஆப் மூலம் தொந்தரவு

சென்னையில் விளையாட்டு வீராங்கனைக்கு வாட்ஸ்ஆப் மூலம் தொந்தரவு கொடுத்ததாக பெங்களூரைச் சோ்ந்த இளைஞா் கைது செய்யப்பட்டாா்.

சென்னையைச் சோ்ந்த பிரபல பெண் விளையாட்டு வீராங்கனையின் வாட்ஸ்ஆப் எண்ணுக்கு தொடா்ச்சியாக ஒரு நபா் தகவல்களை அனுப்பியுள்ளாா். மேலும் அந்த நபா், பெண் வீராங்கனையை வாட்ஸ்ஆப் அழைப்பு மூலம் தொடா்பு கொண்டு தகாத வாா்த்தைகளைக் கூறி பேசியுள்ளாா்.

இதுகுறித்து அந்த வீராங்கனை தமிழக சைபா் குற்றப் பிரிவில் கடந்த செப்டம்பரில் புகாா் அளித்தாா். அந்தப் புகாரின் அடிப்படையில் சைபா் குற்றப் பிரிவு போலீஸாா் வழக்குப் பதிந்து விசாரணை செய்தனா்.

விசாரணையில், இதில் ஈடுபட்டவா் பெங்களுரைச் சோ்ந்த சாசலி சிவா தேஜா (30) என்பது தெரியவந்தது. இதையடுத்து அவரை போலீஸாா் வியாழக்கிழமை கைது செய்தனா்.