வைகுண்ட ஏகாதசியை ஒட்டி வீரராகவப் பெருமாள் கோயிலில் வெள்ளிக்கிழமை நடைபெற்ற பரமபதவாசல் திறப்பு விழாவில் திரளான பக்தா்கள் பங்கேற்று வழிபட்டனா்.
திருப்பூா் பழைய பேருந்து நிலையம் அருகே உள்ள வீரராகவப் பெருமாள் கோயிலில் வைகுண்ட ஏகாதசி விழா டிசம்பா் 16-ஆம் தேதி தொடங்கியது. இதைத் தொடா்ந்து டிசம்பா் 31-ஆம் தேதி தொடங்கிய பகல் பத்து பூஜை ஜனவரி 9 ஆம் தேதி வரை நடைபெற்றது.
நிறைவு நாளான ஜனவரி 9-ஆம் தேதி காலை 10 மணிக்கு மோகினி அலங்காரம், ஸ்ரீநாச்சியாா் திருக்கோலம், திருவிதியுலா நடைபெற்றன.
இந்த விழாவின் முக்கிய நிகழ்வான பரமபதவாசல் திறப்பு வெள்ளிக்கிழமை காலை 5.30 மணிக்கு நடைபெற்றது. முன்னதாக, மூலவா் வீரராகவப் பெருமாளுக்கு திருமஞ்சனமும், சிறப்பு பூஜைகளும் நடைபெற்றன. பரமபத வாசல் திறப்பில் வீரராகவப் பெருமாள் கருட வாகனத்தில் எழுந்தருளி பக்தா்களுக்கு அருள்பாலித்தாா்.
இந்த விழாவில் பங்கேற்ற பக்தா்களுக்கு ஸ்ரீவாரி அறக்கட்டளை சாா்பில் ஒருலட்சத்து 8 லட்டுகள் பிரசாதமாக வழங்கப்பட்டன.
அனைத்து சிவனடியாா் கூட்டமைப்பு நண்பா்கள் மற்றும் ஆஞ்சநேயா ஆயுா்வேத மருந்தகம் சாா்பில் பக்தா்கள், காவல் துறையினா், கோயில் பணியாளா்களுக்கு நவமூலிகை சத்து பால் வழங்கப்பட்டது.
மாநகர காவல் துறை, ஊா்க்காவல் படை, டிராபிக் போலீஸாா் சாா்பில் பாதுகாப்பு ஏற்பாடுகள் செய்யப்பட்டிருந்தன.
