வெள்ளக்கோவிலில் ரூ.15.42 லட்சத்துக்கு சூரியகாந்தி விதை விற்பனை

வெள்ளக்கோவில் ஒழுங்குமுறை விற்பனைக் கூடத்தில் ரூ.15.42 லட்சத்துக்கு சூரியகாந்தி விதை விற்பனை வியாழக்கிழமை நடைபெற்றது.

இந்த வாரம் நடைபெற்ற ஏலத்துக்கு வேடசந்தூா், குரும்பபட்டி, இடையகோட்டை, செம்பட்டி, செல்லிவலசு உள்ளிட்ட பகுதிகளைச் சோ்ந்த 33 விவசாயிகள், 532 மூட்டை சூரியகாந்தி விதைகளை விற்பனைக்கு கொண்டு வந்திருந்தனா்.

ஈரோடு, நடுப்பாளையம், சித்தோடு, பூனாட்சி, காங்கயம் பகுதிகளைச் சோ்ந்த 6 வணிகா்கள் சூரியகாந்தி விதைகளை வாங்க வந்திருந்தனா்.

இதில், கிலோ ரூ.52.29 முதல் ரூ.61.97 வரை விற்பனையானது. சராசரி விலை ரூ.60.69.

ஒட்டுமொத்த விற்பனைத் தொகை ரூ.15.42 லட்சம். ஏலத்துக்கான ஏற்பாடுகளை விற்பனைக்குழு முதுநிலைச் செயலாளா் எஸ்.சண்முகசுந்தரம், விற்பனைக்கூட கண்காணிப்பாளா் சி. மகுடீஸ்வரன் ஆகியோா் செய்திருந்தனா்.