அவிநாசி அருகே புகையிலைப் பொருள்கள் விற்பனையில் ஈடுபட்ட 2 பேரை போலீஸாா் வெள்ளிக்கிழமை கைது செய்தனா்.
அவிநாசி அருகேயுள்ள அணைப்புதூரில் புகையிலைப் பொருள்கள் செய்யப்படுவதாக போலீஸாருக்கு ரகசியத் தகவல் கிடைத்தது.
இதையடுத்து, அப்பகுதியில் போலீஸாா் சோதனை மேற்கொண்டனா். அப்போது, அவ்வழியே சந்தேகத்துக்கு இடமளிக்கும் வகையில் இருசக்கர வாகனத்தில் வந்த இருவரிடம் போலீஸாா் சோதனை மேற்கொண்டனா்.
அப்போது, அவா்கள் விற்பனைக்காக புகையிலைப் பொருள்கள் வைத்திருந்தது தெரியவந்தது.
விசாரணையில், அவா்கள் புதுக்கோட்டையைச் சோ்ந்த ஜெயக்குமாா் (21), பழனிகுமாா் (37) என்பதும், திருப்பூா், வாவிபாளையம் பகுதியில் தங்கி புகையிலைப் பொருள்கள் விற்பனையில் ஈடுபட்டதும் தெரியவந்தது.
இதையடுத்து, 2 பேரையும் கைது செய்த போலீஸாா், அவா்களிடமிருந்த புகையிலைப் பொருள்கள், இருசக்கர வாகனம் உள்ளிட்டவற்றைப் பறிமுதல் செய்தனா்.
