வேட்டவலம் அருகே ரெளடி வெட்டிக் கொலை

திருவண்ணாமலை: திருவண்ணாமலை மாவட்டம், வேட்டவலம் அருகே புதுவை மாநில ரெளடி வெட்டிக் கொலை செய்யப்பட்டாா்.

வேட்டவலத்தை அடுத்த நீலந்தாங்கல் கிராமத்தில் உள்ள ஏரியில் இளைஞா் வெட்டுக் காயங்களுடன் திங்கள்கிழமை சடலமாகக் கிடந்தாா்.

இதைப் பாா்த்த அவ்வழியே சென்றவா்கள் வேட்டவலம் போலீஸாருக்கு தகவல் தெரிவித்தனா்.

போலீஸாா் சென்று பாா்த்தபோது, இளைஞரின் உடலின் பல்வேறு இடங்களில் வெட்டுக் காயங்கள் இருந்தன. இறந்து கிடந்த அவரை மா்ம நபா்கள் வெட்டிக் கொன்றது உறுதி செய்யப்பட்டது.

இதுகுறித்து காவல்துறை உயா் அதிகாரிகளுக்கு தகவல் தெரிவிக்கப்பட்டது. மாவட்ட கூடுதல் காவல் கண்காணிப்பாளா் (தலைமையிடம்) சிவனுபாண்டியன், துணை காவல் கண்காணிப்பாளா் அறிவழகன், காவல் ஆய்வாளா்கள் கோமளவள்ளி, ராஜா ஆகியோா் சென்று விசாரணை நடத்தினா்.

இதையடுத்து, இளைஞரின் சடலத்தை போலீஸாா் மீட்டு, உடல்கூறாய்வுக்காக திருவண்ணாமலை அரசு மருத்துவமனைக்கு அனுப்பி வைத்தனா்.

புதுவை மாநில ரெளடி

போலீஸாா் விசாரணையில் கொல்லப்பட்டவா் புதுவை மாநிலம், வாணரப்பேட்டை பகுதியைச் சோ்ந்த துரைராஜ் மகன் ஐயப்பன் (38) என்பதும், இவா் பிரபல ரெளடியாக வலம் வந்ததும் தெரியவந்தது. வட்டிக்கு பணம் கொடுக்கும் தொழில் செய்து வந்த ஐயப்பனுக்கு மனைவி ரம்யா, 3 பிள்ளைகள் இருப்பதும் போலீஸ் விசாரணையில் தெரியவந்தது.

இதுகுறித்து வேட்டவலம் போலீஸாா் வழக்குப் பதிந்து, சந்தேகத்தின் பேரில் 2 பேரிடம் விசாரணை நடத்தி வருகின்றனா்.