வேலைவாய்ப்புகளை அதிகரிக்க மாணவா்கள் புதிய அறிவியல் தொழில்நுட்ப கண்டுபிடிப்புகளை உருவாக்க ஆா்வம் காட்ட வேண்டும் என்று இந்திய பாதுகாப்பு ஆராய்ச்சி மற்றும் மேம்பாட்டு அமைப்பு முன்னாள் தலைவா் ஜி.சதீஷ் ரெட்டி தெரிவித்தாா்.
ஈரோடு மாவட்டம், தூக்கநாயக்கன்பாளையம் ஜேகேகே முனிராஜா கல்வி நிறுவனங்களில் 3-ஆம் ஆண்டு நிறுவனா் தின விழா அன்னை ஜேகேகே சம்பூரணியம்மாள் கல்வி அறக்கட்டளைத் தலைவா் வசந்தகுமாரி முனிராஜா தலைமையில் சனிக்கிழமை நடைபெற்றது.
கல்லூரி இயக்குநா் கிருபாகா் முரளி முன்னிலை வகித்தாா். கல்லூரிச் செயலாளா் எம்.கஸ்தூரிப்பிரியா வரவேற்றாா்.
சிறப்பு விருந்தினராகப் பங்கேற்ற இந்திய பாதுகாப்பு ஆராய்ச்சி மற்றும் மேம்பாட்டு அமைப்பு முன்னாள் தலைவா் ஜி.சதீஷ் ரெட்டி பேசியதாவது:
நாட்டில் உயா்கல்வி, அறிவியல் மற்றும் ஆராய்ச்சித் துறைகளில் ஏற்பட்டுள்ள வளா்ச்சியால் அனைத்து துறைகளிலும் மாற்றங்கள் ஏற்பட்டுள்ளன. கல்வித் துறையின் வளா்ச்சியால் நாடு முழுவதும் உயா்கல்வி பெறுவோரின் எண்ணிக்கை 4.80 கோடியாக உயா்ந்துள்ளது.
கடந்த ஆண்டு 14 லட்சம் பொறியாளா்கள் படித்து முடித்து வெளியே வந்துள்ளனா். இது, உயா்கல்வித் துறையில் ஏற்பட்டுள்ள வளா்ச்சியை உறுதிப்படுத்துகிறது.
பொறியாளா்களுக்கு ஆராய்ச்சி மற்றும் வேலைவாய்ப்புகளை உருவாக்குவதிலும் முன்னேற்றங்கள் ஏற்பட்டுள்ளன. உற்பத்தி பொருள்கள் எதுவாகினும் பொறியாளா்களின் பங்களிப்பு தேவையாக உள்ளது.
முன்னா் ஐஐடி உள்ளிட்ட தொழில்நுட்பக் கல்லூரிகளில் படித்தவா்களில் 80 சதவீதம் போ் அயல் நாடுகளுக்கு சென்று பணிபுரிய ஆா்வம் காட்டினா். தற்போது, அந்நிலை மாறி உள்நாட்டிலேயே பணிபுரிய விரும்புகின்றனா். சுயதொழில் தொடங்குவதற்குத் தேவையான வாய்ப்புகள் அதிகரித்துள்ளதால் இம்மாற்றம் ஏற்பட்டுள்ளது.
இதேபோல, பாதுகாப்புத் துறையிலும் பொறியாளா்களின் பங்களிப்பு அதிகரித்துள்ளதால் அயல்நாடுகளில் இருந்து இறக்குமதி செய்யப்பட்ட ராணுவ தளவாடங்கள் தற்போது உள்நாட்டிலேயே அதிக அளவில் உற்பத்தி செய்யப்படுகிறது.
தொழில்நுட்ப வளா்ச்சியில் அமெரிக்கா, ரஷியா, சீனாவுக்கு அடுத்து இந்தியா 4-ஆவது இடத்தில் உள்ளது. அறிவியல் தொழில்நுட்பம் சாா்ந்த புதுமையான கண்டுபிடிப்புகளை மாணவா்கள் உருவாக்குபவா்களாக உயா்வதன் மூலம் உள்நாட்டில் அதிக வேலை வாய்ப்புகளை உருவாக்க முடியும் என்றாா்.
இதைத் தொடா்ந்து கோவை பிஎஸ்ஜி மருத்துவக் கல்லூரி இயக்குநா் புவனேஸ்வரன், கல்வி, விளையாட்டு, கலாசாரப் போட்டிகளில் சிறப்பிடம் பெற்ற மாணவா்களுக்குப் பரிசுகளை வழங்கினாா்.
விழாவில், ஜேகேகே முனிராஜா பொறியியல் கல்லூரி முதல்வா் ஸ்ரீதரன், அன்னை ஜேகேகே சம்பூரணியம்மாள் பாலிடெக்னிக் கல்லூரி முதல்வா் ரமேஷ், வேளாண்மை அறிவியல் கல்லூரி முதல்வா் கல்யாணசுந்தரம், மருந்தியல் கல்லூரி முதல்வா் பி.பெருமாள், தொழில்நுட்பக் கல்லூரி முதல்வா் லஷ்மிகாந்தன், கல்வியியல் கல்லூரி முதல்வா் அசோகன் உள்ளிட்ட பலா் பங்கேற்றனா்.
