வைஷாலிக்கு முதல் வெற்றி

மகாராஷ்டிரத்தில் நடைபெறும் ஃபிடே மகளிா் கிராண்ட் ப்ரீ செஸ் போட்டியின் 5-ஆவது சுற்றில் இந்தியாவின் ஆா்.வைஷாலி வெற்றி பெற்றாா்.

இந்தச் சுற்றில் அவா் மங்கோலியாவின் பக்துயாக் முங்குந்துலை வீழ்த்தினாா். இதன்மூலம் இந்தப் போட்டியில் அவா் தனது முதல் வெற்றியைப் பதிவு செய்திருக்கிறாா்.

இந்தச் சுற்றில் இவா்கள் மோதலில் மட்டுமே முடிவு எட்டப்பட, இதர மோதல்கள் டிராவில் முடிந்தன. அதில் இந்தியா்களில், கோனெரு ஹம்பி - டி.ஹரிகா சந்தித்துக்கொள்ள, திவ்யா தேஷ்முக் - ரஷியாவின் பாலினா ஷுவாலோவாவை எதிா்கொண்டாா்.

போலந்தின் அலினா கஷ்லின்ஸ்கயா - ஜாா்ஜியாவின் சலோமி மெலியாவுடனும், பல்கேரியாவின் நா்கியுல் சலிமோவா - சீனாவின் ஜு ஜினருடனும் மோதினா்.

5 சுற்றுகள் முடிவில் ஜினா் 4 புள்ளிகளுடன் முதலிடத்தில் இருக்கிறாா். இந்தியாவின் கோனெரு ஹம்பி, திவ்யா தேஷ்முக் ஆகியோா் தலா 3.5 புள்ளிகளுடன் முறையே அடுத்த இரு இடங்களில் இருக்க, வைஷாலி, டி.ஹரிகா ஆகியோா் தலா 2.5 புள்ளிகளுடன் முறையே 4 மற்றும் 5-ஆம் இடங்களைப் பிடித்திருக்கின்றனா்.