ராமேசுவரம் - தலைமன்னார் கப்பல் போக்குவரத்து! ஜூலையில் தொடக்கம்?
தமிழகத்தில் ஹிந்தி மொழியைத் திணிக்க முயற்சிக்கும் மத்திய அரசைக் கண்டித்தும், மும்மொழிக் கொள்கைக்கு எதிா்ப்புத் தெரிவித்தும், விழுப்புரம் மாவட்டத்தில் திமுக மற்றும் பிற கட்சிகளின் மாணவ அமைப்புகள் சாா்பில் செவ்வாய்க்கிழமை ஆா்ப்பாட்டம் நடைபெற்றது.
விழுப்புரம் வடக்கு மாவட்ட திமுக சாா்பில் திண்டிவனம் தலைமை அஞ்சல் அலுவலகம் எதிரில் நடைபெற்ற ஆா்ப்பாட்டத்துக்கு, மாவட்ட மாணவரணி அமைப்பாளா் எம்.யு.பிரசன்னா தலைமை வகித்தாா். வடக்கு மாவட்டப் பொறுப்பாளரும், எம்.எல்.ஏ.வுமான செஞ்சி கே.எஸ்.மஸ்தான் ஆா்ப்பாட்டத்தில் பங்கேற்று சிறப்புரையாற்றினாா்.
இதில், முன்னாள் எம்.எல்.ஏ.க்கள் மாசிலாமணி, சேதுநாதன், செந்தமிழ்ச்செல்வன், மாவட்ட அவைத் தலைவா் சேகா், மாநில தீா்மானக்குழு உறுப்பினா் செஞ்சி சிவா, நகரச் செயலா் கண்ணன், மாவட்ட மாணவரணி துணை அமைப்பாளா்கள் சுபாசு சந்திரபோசு, லோகநாதன், ஞானசேகரன் உள்ளிடோா் பங்கேற்றனா்.
விழுப்புரத்தில்...: விழுப்புரம் மத்திய மற்றும் தெற்கு மாவட்ட திமுக சாா்பில் தலைமை அஞ்சல் நிலையம் முன் நடைபெற்ற ஆா்ப்பாட்டத்துக்கு, மாவட்ட மாணவரணி அமைப்பாளா் பா.ஸ்ரீவினோத் தலைமை வகித்தாா். மாவட்டப் பொறுப்பாளா்கள் இரா.லட்சுமணன் எம்எல்ஏ (விழுப்புரம் மத்திய), பொன்.கெளதமசிகாமணி (தெற்கு) சிறப்பு அழைப்பாளா்களாகப் பங்கேற்றனா்.
ஆா்ப்பாட்டத்தில் முன்னாள் எம்.எல்.ஏ. செ.புஷ்பராஜ், மாவட்ட அவைத் தலைவா் ம.ஜெயச்சந்திரன், பொருளாளா் இரா.ஜனகராஜ், நகரச் செயலா் இரா.சக்கரை, நகா்மன்றத் தலைவா் தமிழ்ச்செல்வி பிரபு, ஒன்றியச் செயலா்கள் கல்பட்டு வி.ராஜா, தெய்வசிகாமணி, நகரப் பொருளாளா் இளங்கோ, இளைஞரணி அமைப்பாளா் செ.மணிகண்டன், பிற கட்சி களின் மாணவரணி அமைப்பாளா்கள் ராவணன், அகத்தியன், பாண்டியன், அலெக்ஸ் தீனா, இளமாறன், ஓசாமா, தேவேந்திரன் உள்ளிட்டோா் பங்கேற்றனா்.
கள்ளக்குறிச்சியில்...: கள்ளக்குறிச்சியில் தெற்கு மாவட்ட திமுக மாணவரணி சாா்பில், காந்தி சாலையில் உள்ள பி.எஸ்.என்.எல். அலுவலகம் முன் ஆா்ப்பாட்டம் நடைபெற்றது.
மாவட்ட மாணவரணி அமைப்பாளா் விஜய் ஆனந்த் தலைமை வகித்தாா். ஆா்ப்பாட்டத்தில் ஹிந்தி மொழி திணிப்பு முயற்சிக்கு எதிராகவும், தமிழகத்துக்கான கல்வி நிதியை விடுவிக்காததற்காகவும் மத்திய அரசைக் கண்டித்து முழக்கங்களை எழுப்பினா்.
மாவட்ட மாணவரணி துணைஅமைப்பாளா்கள் ரோஜா, சுரேந்திரன், விஜய் உள்ளிட்ட பலா் பங்கேற்றனா்.
