அஜீத் பவாா் கட்சியுடன் சரத் பவாா் அணியை இணைக்கப் பேச்சுவாா்த்தை? சுப்ரியா சுலே மறுப்பு

மகாராஷ்டிர துணை முதல்வா் அஜீத் பவாா் தலைமையிலான தேசியவாத காங்கிரஸ் கட்சியுடன், சரத் பவாா் தலைமையிலான பிரிவை இணைக்க பேச்சுவாா்த்தை எதுவும் நடைபெறவில்லை என்று சரத் பவாரின் மகள் சுப்ரியா சுலே தெரிவித்தாா்.

கடந்த 2023-ஆம் ஆண்டு மகாராஷ்டிரத்தில் சரத் பவாா் தலைமையிலான தேசியவாத காங்கிரஸை உடைத்து பாஜகவுடன் கைகோத்தாா் அவரின் நெருங்கிய உறவினரான அஜீத் பவாா். பெரும்பான்மையான எம்எல்ஏக்கள் அஜீத் பவாருடன் சென்ால் கட்சிப் பெயரையும், சின்னத்தையும் அவரின் பிரிவுக்குத் தோ்தல் ஆணையம் அளித்தது.

2024 இறுதியில் நடைபெற்ற மகாராஷ்டிர சட்டப் பேரவைத் தோ்தலில் பாஜக கூட்டணி அமோக வெற்றிபெற்று ஆட்சியில் தொடா்கிறது. இதன் மூலம் பாஜகவுடன் முதலில் கைகோத்தபோது அளிக்கப்பட்ட துணை முதல்வா் பதவியையும் அஜீத் பவாா் தக்கவைத்தாா். சரத் பவாா் இடம்பெற்ற காங்கிரஸ்-சிவசேனை (உத்தவ்) கூட்டணி தோ்தலில் படுதோல்வியடைந்தது.

இந்நிலையில், அஜீத் பவாா் கட்சியுடன் இணைய சரத் பவாா் அணி பேச்சு நடத்துவதாக தகவல் வெளியானது. இந்நிலையில் மும்பையில் வியாழக்கிழமை செய்தியாளா்களைச் சந்தித்த தேசியவாத காங்கிரஸ் (பவாா்) பிரிவு எம்.பி. சுப்ரியா சுலே, ‘கட்சிகள் இணைகின்றன என்பது தேவையில்லாமல் உருவாக்கப்பட்ட செய்தி. அடுத்த சில நாள்களில் நடைபெறும் எதிா்க்கட்சிகள் கூட்டணி கூட்டத்தில் எங்கள் கட்சி பங்கேற்க இருக்கிறது’ என்றாா். இதன் மூலம் சரத் பவாா் தலைமையிலான பிரிவு எதிா்க்கட்சிகள் அணியில் தொடா்வதை அவா் உறுதி செய்தாா்.