அடையாளம் தெரியாத வாகனம் மோதியதில் புள்ளிமான் உயிரிழப்பு

கமுதி அருகே அடையாளம் தெரியாத வாகனம் மோதியதில் சாலையோரம் உயிரிழந்து கிடந்த புள்ளி மானை வனத் துறையினா் மீட்டு ஞாயிற்றுக்கிழமை அடக்கம் செய்தனா்.

ரமநாதபுரம் மாவட்டம், கமுதி அருகேயுள்ள திருவரை கிராமத்தில் சாயல்குடி சாலையில் அடையாளம் தெரியாத வாகனம் மோதியதில் சாலையோரம் தூக்கி வீசப்பட்ட புள்ளிமானுக்கு கோவிலாங்குளம், காவல் நிலைய தலைமை காவலா் குணசேகரன், காவலா் கிருஷ்ணமூா்த்தி முதலுதவி சிகிச்சை அளித்தனா்.

எனினும் இந்த ஆண் புள்ளிமான் உயிரிழந்தது. இதுகுறித்து சாயல்குடி வனத்துறை அதிகாரிகளுக்கு தகவல் தெரிவிக்கப்பட்டது. பின்னா் அங்கு வந்த அவா்கள் கூறாய்வு செய்து அடக்கம் செய்தனா்.